بابر اعظم بہت مستقل مزاجی کے ساتھ پرفارمنس دیتے ہیں جو میں نے بہت کم دیکھا ہے,شاہد آفریدی

شاہد آفریدی کا کہنا ہے کہ بابر اعظم بہت مستقل مزاجی کے ساتھ پرفارمنس دیتے ہیں جو میں نے بہت کم دیکھا ہے۔ شاہد آفریدی نے میلبرن کرکٹ گراؤنڈ میں گفتگو کرتے ہوئے کہا کہ پاکستان نے ورلڈکپ میں نسیم شاہ اور شاہین آفریدی کی جوڑی کو یاد کیا، شاہین اور نسیم شاہ کی جوڑی کافی عرصے سےکامیاب رہی ہے۔ شاہد آفریدی نے کہا کہ مجھے شاہین آفریدی نے کبھی نہیں کہا کہ انجری ہے، انجری ہو تو فاسٹ بولر کھیل ہی نہیں سکتا، ہرکھلاڑی کا ہر میچ میں پرفارمنس دینا مشکل ہو جاتا ہے، بابر، شاہین، فخر اور  رضوان نے ماضی میں بہترین پرفارمنس دیں اور آگے بھی دیں گے۔