اداکارہ و سپر ماڈل نوشین شاہ نے حرام کھانا کھانے کے حوالے سے انکشاف کرکے سب کو حیران کردیا۔
حال ہی میں اداکارہ نے اپنی نئی فلم ’چِکّڑ‘ کی پروموشن کے لیے نجی چینل کے پروگرام میں شرکت کی۔
دوران انٹرویو گفتگو کرتے ہوئے اداکارہ نے انہوں نے اعتراف کرتے ہوئے کہا کہ میں نے لندن کے دورے کے دوران غلطی سے خنزیر کا گوشت کھا لیا تھا۔
انہوں نے کہا کہ وہ ایوارڈ شو کی تقریب میں شرکت کے لیے لندن میں تھیں، ہوٹل میں قیام کے دوران بوفے میں ناشتہ کرنے پہنچی اور ہاٹ ڈاگ یا ساسیج سمجھ کر ایک چیز کھا لی تھی جس کا ذائقہ بالکل مختلف تھا جو بالکل پسند نہیں آیا، بعد میں ریستوران کے عملے سے معلوم کیا تو پتہ چلا کہ یہ خنزیر کا گوشت تھا۔
Comments are closed.