ماورا حسین کا کرسمس پر تنقید کرنے والوں کو واضح پیغام

پاکستانی شوبز انڈسٹری کی معروف اداکارہ ماورا حسین کرسمس سے متعلق اپنی پوسٹ پر تنقید کا نشانہ بننے کے بعد میدان میں آگئیں۔

فوٹو اینڈ ویڈیو شیئرنگ ایپ انسٹاگرام پر اداکارہ ماورا حسین نے پوسٹ جاری کی تھی جس میں انہیں کرسمس مناتے، گھر کو سجاتے اور مبارک باد دیتے دیکھا گیا تھا۔ماورا حسین کی ویڈیو پوسٹ سامنے آتے ہی تنقید کے نشتر برسانا شروع کردیئے

ایک صارف کا کہنا ہے کہ آپ نے عمرہ بھی ادا کیا ہے، فلسطین تباہی، ظلم و ستم کا شکار ہے اور آپ یہاں انہیں کرسمس کی مبارکباد دینے میں مصروف ہیں، یہ مناسب نہیں ہے، کچھ تو خیال کریں، اللہ ہم سب کو ہدایت عطا فرمائے۔

ماورا حسین نے جواب میں لکھا کہ،’عقیدہ دل میں ہوتا ہے وہ درخت پر نہیں ہوتا’۔اُن کا مزید کہنا تھا کہ ‘جو کام انہوں نے کیا ہے اس سے اقلیتوں کو ساتھ شامل کرنے کا احساس ہوتا ہے’۔