خوشاب (راجہ نورالہی عاطف سے) گورنمنٹ گریجویٹ کالج فار بوائز نورپورتھل میں منعقدہ چار روز سپورٹس گالا اختتام پذیر ہو گیا ۔ سپورٹس گالا کی تقریب تقسیم انعامات میں ڈائریکٹر کالجز سرگودھا ڈویژن پروفیسر سرفراز احمد گجر اور ڈپٹی ڈائریکٹر کالجز ڈسٹرکٹ خوشاب امتیاز احمد سوبھی نے بطور مہمانان خصوصی شرکت کی جبکہ پاک آرمی کے کمانڈنٹ آفیسر صصف محمود ،نامور ماہر تعلیم پروفیسر ملک احمد خان بوڑانہ اور پرنسپل گورنمنٹ کامرس کالج نورپورتھل پروفیسر چوہدری طالب حسین بھی زینت محفل تھے ۔ اس پر وقار تقریب کی صدارت ممتاز ماہر تعلیم پرنسپل ادارہ ہذا پروفیسر عبدالغفور ملک نے کی جبکہ نقابت کے فرائض پروفیسر ملک نواب دین سگو نے بطریق احسن سر انجام دیے ۔ چار روزہ سپورٹس گالا میں طلباء نے بھرپور حصہ لیا ۔اس موقع پر رسہ کشی ،والی بال ،کرکٹ ،دوڑ، گولا پھینکنا اور نیزہ پھینکنا سمیت دیگر گیمز کے مقابلوں کا انعقاد کیا گیا ۔ طلباء کا جوش و جذبہ دیدنی تھا ۔تقریب تقسیم انعامات سے خصوصی خطاب کرتے ہوئے ڈائریکٹر کالجز سرگودھا ڈویژن پروفیسر سرفراز احمد گجر اور ڈپٹی ڈائریکٹر کالجز ڈسٹرکٹ خوشاب ملک امتیاز احمد سوبھی نے پرنسپل پروفیسر عبدالغفور ملک کی زیر نگرانی نصابی اور ہم نصابی سرگرمیوں کے فروغ کے لیے جملہ ٹیچنگ سٹاف کی کارکردگی کو شاندار الفاظ میں سراہا ۔ دوران تقریب مہمانان خصوصی اور مہمانان گرامی نے شاندار کھیل کا مظاہرہ کرنے والے کھیلاڑیوں میں انعامات بھی تقسیم کیے قبل ازیں مہمانان خصوصی کی آمد پر پھولوں کے پتیاں نچھاور کر کے ان کا پرتپاک استقبال بھی کیا گیا ۔
Comments are closed.