جنوبی افریقہ کیخلاف ٹیسٹ میچز کیلٸے 18 رکنی اسکواڈ کا اعلان

جنوبی افریقہ کیخلاف ٹیسٹ میچز کیلٸے 18 رکنی اسکواڈ کا اعلان

شان مسعود کپتان برقرار، نئے چہروں کی انٹری

اسلام آباد

ولی الرحمن

قومی سلیکشن کمیٹی نے جنوبی افریقہ کے خلاف دو ٹیسٹ میچوں کی سیریز کے لیے 18 رکنی اسکواڈ کا اعلان کر دیا، شان مسعود قومی ٹیسٹ ٹیم کی قیادت جاری رکھیں گے، جبکہ تین نئے کھلاڑیوں کو اسکواڈ میں شامل کیاگیاہے۔

جنوبی افریقہ کیخلاف یہ سیریز آئی سی سی ورلڈ ٹیسٹ چیمپئن شپ کا حصہ ہے، جو 12 اکتوبر سے لاہور میں شروع ہوگی۔ جنوبی افریقہ جو آئی سی سی ورلڈ ٹیسٹ چیمپئن شپ کا چیمپئن رہا ہے۔

پاکستان کے خلاف پہلا ٹیسٹ 12 سے 16 اکتوبر تک قذافی اسٹیڈیم لاہور میں کھیلے گا، جبکہ دوسرا ٹیسٹ 20 سے 24 اکتوبر کو پنڈی کرکٹ اسٹیڈیم، راولپنڈی میں شیڈول ہے۔

سیریز سے قبل قومی کھلاڑی ہیڈ کوچ اظہر محمود اور این سی اے کوچز کی زیر نگرانی تربیتی کیمپ میں شرکت کریں گے۔

پاکستان اسکواڈ میں شان مسعود (کپتان)، عامر جمال، عبداللہ شفیق، ابرار احمد، آصف آفریدی، بابراعظم، فیصل اکرم، حسن علی، امام الحق، کامران غلام، خرم شہزاد، محمد رضوان (وکٹ کیپر)، نعمان علی، روہیل نذیر (وکٹ کیپر)، ساجد خان، سلمان علی آغا، سعود شکیل اور شاہین شاہ آفریدی شامل ہیں۔