خوشاب (راجہ نورالہی عاطف سے) پلانٹ فار پاکستان مہم کے تحت ڈپٹی ڈسٹرکٹ ایجوکیشن آفیسر تحصیل نورپورتھل ڈاکٹر ملک منیر حسین کلو کی زیر نگرانی گورنمنٹ پرائمری سکول عیدگاہ نورپورتھل میں مختلف سرکاری سکولوں کے طلباء کے درمیان مضمون نویسی، آرٹ اور فوٹوگرافی کے مقابلہ جات کا انعقاد کروایا گیا ۔ ایونٹ کوآرڈینیٹر اسسٹنٹ ایجوکیشن آفیسر نورپور مرکز محمد آصف خان نیازی کی زیر سرپرستی ججمنٹ کمیٹی تشکیل دی گئی تھی ۔ اس موقع پر اسسٹنٹ ایجوکیشن آفیسر محمد آصف خان نیازی نے اظہار خیال کرتے ہوئے کہا کہ حکومت پنجاب کی طرف سے سرکاری سکولوں میں وقتا” فوقتا” طلباء کے مابین ایسے مقابلوں کا انعقاد کروانا مستحسن اقدام ہے کیونکہ ایسے ایونٹس کے ذریعے نونہالان وطن کی خوابیدہ صلاحیتوں کو جلا ملتی ہے اور ان میں جذبہ ء مسابقت بھی فروغ پاتا ہے ۔
Comments are closed.