خوشاب(راجہ نورالہی عاطف سے) اسسٹنٹ کمشنر تحصیل نورپورتھل سعد بن خالد کا ایک اور عوام دوست اقدام ، نورپور شہر کے گلی کوچوں میں مین ہولز پر ٹوٹ جانے والے ڈھکنوں کی جگہ نئے ڈھکن لگادئیے گئے۔ عوامی، سماجی حلقوں کی طرف سے ٹی ایم اے حکام کو زبردست خراج تحسین ۔ واضح رہے کہ نورپور شہر میں ڈاکخانہ چوک سمیت دیگر گلی کوچوں میں متعدد مین ہولز کے ڈھکن ٹوٹ پھوٹ کا شکار ہو گئے تھے جس کی وجہ سے خدانخواستہ کسی بھی ناخوشگوار واقعہ کا خدشہ شہریوں کے لیے درد سر بنا ہوا تھا ۔ اس صورتحال کا فوری طور پر نوٹس لیتے ہوئے اسسٹنٹ کمشنر موصوف نے ضروری احکامات صادر کیے اور انچارج سینیٹری ورکرز سردار عقیل عباس خان بلوچ کی زیر نگرانی ان تمام مین ہولز پر ازسر نو نئے ڈھکن لگا دیے گئے ہیں ۔ یاد رہے کہ سعد بن خالد نے بطور اسسٹنٹ کمشنر نورپورتھل کا چارج سنبھالتے ہی شہر میں صحت و صفائی کے موثر انتظام اور شہریوں کو پینے کے صاف پانی کی فراہمی سمیت دیگر شہری مسائل کے حل کو اپنی ترجیحات کا حصہ بنا رکھا ہے ۔ وہ بذات خود سماجی بہبود کے کاموں کی نگرانی کر رہے ہیں جس پر عوامی ،سماجی حلقوں نے انہیں فرض شناسی پر زبردست خراج تحسین پیش کیا ہے ۔
Comments are closed.