بھارت کی رسوائی

10 مئی 2025 کو تاریخ نے ایک نیا موڑ لیا۔ وہ بھارت جو دہائیوں سے خطے میں چودھراہٹ کا خواب دیکھ رہا تھا، اس دن اپنی انا، غرور اور جھوٹے دعووں سمیت زمیں بوس ہوا۔ پاکستان کی جانب سے دیا گیا جواب نہ صرف عسکری میدان میں تھا بلکہ عالمی سطح پر بھی ایک کھلا طمانچہ تھا اس گھمنڈی چہرے پر جو خود کو خطے کی سپر پاور سمجھ بیٹھا تھا۔

بھارت کی رسوائی صرف بارود اور میزائلوں تک محدود نہ رہی، بلکہ میڈیا، سفارتی محاذ، اور عوامی سطح پر اس کا مکروہ چہرہ پوری دنیا کے سامنے بےنقاب ہوا۔ جب پاکستان کے شاہینوں نے دشمن کے ایئر ڈیفنس سسٹمز کو برباد کیا، جب بھارتی فوجی چوکیاں ویران ہوئیں، جب ان کے جنگی طیارے خاک پر گرے، اور جب بھارتی کمانڈرز نے بھاگتے ہوئے اپنی وردیاں تک چھوڑ دیں، تب بھارت کا اصل چہرہ دنیا نے دیکھ لیا۔

بھارت نے ہمیشہ پاکستان کو کمزور سمجھا، امن کی کوششوں کو بزدلی کا نام دیا، اور مسلمانوں کے خلاف انتہا پسندی کو حب الوطنی کے پردے میں چھپایا۔ لیکن اس دن، دنیا نے دیکھا کہ اصل طاقت نعرے یا فلمی ڈائلاگ نہیں ہوتے، بلکہ وہ جذبہ ہوتا ہے جو پاکستانی سپاہی کے دل میں وطن کے لیے جلتا ہے۔ جب دشمن کے بارڈر پر پاکستان کا پرچم لہرایا گیا تو بھارت صرف زمینی جنگ نہیں ہارا، وہ اپنی عالمی ساکھ، سیاسی اعتماد اور سفارتی حیثیت بھی کھو بیٹھا۔

اب صورتحال یہ ہے کہ بھارت کی ہر زبان پر ایک ہی فقرہ ہے: “ہم سے غلطی ہو گئی”۔ ان کے اتحادی ممالک نے بھی خاموشی اختیار کر لی، اقوام متحدہ میں شرمندگی ان کے ماتھے پر لکھی گئی، اور عالمی میڈیا نے بھی بھارت کی شکست کو لمحہ بہ لمحہ دکھایا۔ پاکستان کی عسکری صلاحیت، اس کی جنگی حکمت عملی، اور خصوصاً اس کے پائلٹس کی مہارت نے یہ ثابت کر دیا کہ دنیا کی کوئی طاقت پاکستان سے ٹکر نہیں لے سکتی۔

آج بھارت کو اندر سے بھی کھوکھلا پن محسوس ہو رہا ہے۔ وہاں کی عوام سڑکوں پر ہے، حکومت بوکھلاہٹ کا شکار ہے، اور فوج اعتماد کھو چکی ہے۔ مودی سرکار جس نریندری سازش پر چل رہی تھی، وہ خود اس کے گلے پڑ گئی۔ اور پاکستان؟ پاکستان نے صرف جنگ نہیں جیتی، اس نے ایک نئی تاریخ رقم کی ہے۔ ایک ایسا پیغام دیا ہے جو نہ صرف دشمن بلکہ دنیا بھر کے ظالموں کے لیے وارننگ ہے: یہ پاکستان ہے، یہ مٹی غیرت والی ہے، یہ لوگ امن کے خواہشمند ضرور ہیں، مگر جب وقت آئے تو دشمن کے دل میں گھس کر اس کی سانسیں بند کرنا بھی جانتے ہیں۔

بھارت اب دنیا میں تنہا ہو چکا ہے۔ اس کی فوج کی ناکامی، سیاسی بے بسی، اور عوامی نفرت نے اسے اندرونی طور پر بھی ہلا کر رکھ دیا ہے۔ وہ بھارت جو کبھی اقوامِ متحدہ میں پاکستان کو تنہا کرنے کا خواب دیکھتا تھا، آج خود ایک عالمی تماشہ بن چکا ہے۔

یہ صرف جنگ نہیں تھی، یہ انصاف تھا۔ یہ انتقام نہیں، ایک یاد دہانی تھی کہ تم نے کبھی ہمیں کمزور سمجھا، اب اپنی بربادی کا ماتم کرو۔ بھارت کا غرور، بھارت کا پروپیگنڈا، اور بھارت کا فریب — سب خاک ہو چکا ہے۔

٭٭٭٭٭٭٭٭