پی ٹی اے نے موبائل ڈیوائسز کا آئی ایم ای آئی ریکارڈ ہٹا دیا، نئی رجسٹریشن پالیسی کا اعلان

پی ٹی اے نے موبائل ڈیوائسز کا آئی ایم ای آئی ریکارڈ ہٹا دیا، نئی رجسٹریشن پالیسی کا اعلان

اسلام آباد

شمشاد مانگٹ

پاکستان ٹیلی کمیونیکیشن اتھارٹی (پی ٹی اے) نے موبائل ڈیوائسز کے انٹرنیشنل موبائل ایکوپمنٹ آئیڈنٹیٹی (آئی ایم ای آئی) ریکارڈ کو ہٹا دیا ہے، جس کا مقصد موبائل ڈیوائسز کی شناخت، رجسٹریشن، بلاکنگ سسٹم اور مینجمنٹ کو مزید موثر بنانا ہے۔

پی ٹی اے کی جانب سے جاری کردہ اعلامیے کے مطابق، یہ قدم ڈی آئی آر بی ایس (ڈیٹا انٹری اینڈ ریکارڈ بیس سسٹم) کے آپریشنز میں بہتری لانے کے لیے اٹھایا گیا ہے، جس سے صارفین کو موبائل ڈیوائسز کی بروقت رجسٹریشن اور ٹیکسز کی ادائیگی میں سہولت ملے گی۔

اعلامیے میں مزید کہا گیا کہ پی ٹی اے اور موبائل نیٹ ورک آپریٹرز کے لیے یہ نظام آپریشنز کو بہتر بنانے اور غیر رجسٹرڈ ڈیوائسز کو بروقت بلاک کرنے میں مددگار ثابت ہوگا۔

پی ٹی اے کے مطابق، غیر رجسٹرڈ موبائل فونز صرف 60 دن تک نیٹ ورک پر استعمال ہو سکیں گے، اس کے بعد اگر صارفین نے مقررہ وقت میں ٹیکس کی ادائیگی نہیں کی تو ان کے فون کو دوبارہ بلاک کر دیا جائے گا۔ یہ اقدام پی ٹی اے کے رجسٹریشن اور ٹیکس وصولی کے عمل کو مزید شفاف اور موثر بنانے کی کوششوں کا حصہ ہے۔

پی ٹی اے کا کہنا ہے کہ اس نئی پالیسی کا مقصد موبائل ڈیوائسز کے استعمال کی نگرانی کو بہتر بنانا اور غیر قانونی ڈیوائسز کی موجودگی کو کم کرنا ہے، تاکہ ملک میں موبائل فون کی رجسٹریشن اور ٹیکس کی ادائیگی کے عمل کو بہتر اور سہل بنایا جا سکے۔