سعودی عرب کے 95ویں قومی دن کے موقع پر پروموٹرز برادری اور لائن گروپ کی جانب سے خراجِ تحسین

سعودی عرب کے 95 ویں قومی دن کے موقع پر پروموٹرز برادری اور لائن گروپ کی جانب سے خراجِ تحسین

 اسلام آباد

شمشاد مانگٹ

سعودی عرب کے 95 ویں قومی دن کی مناسبت سے پروموٹرز برادری اور لائن گروپ کے سینئر راہنما چوہدری مہدی خان سپرا نے سعودی سفیر نواف المالکی سے ملاقات کی اور انہیں ایک خوبصورت گلدستہ پیش کیا۔

اس موقع پر سعودی سفیر نواف المالکی نے چوہدری مہدی خان سپرا کا خصوصی استقبال کیا اور پاک سعودی تعلقات کو مزید مضبوط بنانے کے عزم کا اعادہ کیا۔ دونوں رہنماؤں نے بھائی چارے، محبت اور بین الاقوامی ہم آہنگی کے فروغ پر زور دیا۔

یہ ملاقات اس بات کی غماز ہے کہ پاکستانی کمیونٹی سعودی عرب کی خوشیوں میں برابر کی شریک ہے اور دونوں ممالک کے تعلقات عوامی سطح پر بھی نہایت مضبوط اور خوشگوار ہیں۔