صنعتوں کے لیے بجلی 38 سے 23 روپے فی یونٹ کردی گئی، پیداواری لاگت کم کرنے کیلئے بڑا فیصلہ ،مشیرِ وزیرِ خزانہ

وزیرخزانہ کے مشیرخرم شہزاد نے سوشل میڈیا پر اپنے پیغام میں کہا کہ فیصلے سے کاروبارکی لاگت میں کمی، سرمایہ کاری اورر وزگار کے مواقع کیلئے راستہ ہموار ہوگیا ہے۔ حکومت کا واضح ہدف ترقی، سرمایہ کاری اور روزگار بڑھانا ہے۔

خرم شہزاد نے کہا کہ سودکی شرح آدھی، سرمائے تک رسائی مزید آسان، ٹیکس ڈھانچے میں اصلاحات، تنخواہ دار اور کارپوریٹ طبقے کیلئے ریلیف  حکومت کے بڑے اقدامات ہیں۔ غیردستاویزی معیشت پر توجہ دے کر تعمیل اور نفاذ میں اضافہ کیا جا رہا ہے۔

مشیر وزیر خزانہ کے مطابق ریگولیٹری نظام میں نرمی اور منظوری کے طویل اوقات میں واضح کمی آ چکی ہے۔