کراچی : فتنۃ الخوارج کے خلاف آپریشن ، انتہائی مطلوب 3 دہشتگرد گرفتار

کراچی : فتنۃ الخوارج کے خلاف آپریشن ، انتہائی مطلوب 3 دہشتگرد گرفتار

کراچی

کراچی کے علاقے کنواری کالونی منگھوپیر روڈ پر رینجرز نے کارروائی کرتے ہوئے فتنہ الخوارج کے انتہائی مطلوب 3 دہشتگرد کو گرفتار کرلیا۔

ترجمان رینجرز (سندھ) کے مطابق گرفتار کیے گئے دہشت گردوں میں زید اللہ، نور زادہ اور عثمان شامل ہیں، گرفتار دہشتگرد، خارجی امیر شمس القیوم عرف زاویل کے قریبی ساتھی ہیں۔

بیان میں مزید کہا گیا ہے کہ دہشت گردوں نے منشیات فروشوں سے بھتہ وصولی اور لینڈ گریبنگ میں ملوث ہونے کا اعتراف بھی کیا ہے۔

رینجرز ترجمان کے مطابق گرفتار کیے گئے دہشت گرد نور زادہ کا بھائی خان زادہ عرف حنظلہ اور دہشتگرد عثمان کا بھائی عمر خطاب بھی فتنۃ الخوارج کے انتہائی مطلوب کارندے تھے، پہلے مارے جاچکے ہیں۔

دہشت گرد زید اللہ عرف زیدو تھانہ ایکسائز کورنگی اور اینٹی نارکوٹکس فورس (اے این ایف) کو بھی مطلوب تھا، گرفتارملزمان کو مزید قانونی کارروائی کے لیے پولیس کے حوالے کر دیا گیا ہے۔