محمود خان اچکزئی کا آئین و پارلیمنٹ کی بالادستی کے لیے اتفاقِ رائے کی حمایت کا اعلان 

محمود خان اچکزئی کا آئین و پارلیمنٹ کی بالادستی کے لیے اتفاقِ رائے کی حمایت کا اعلان 

اسلام آباد

شمشاد مانگٹ

اپوزیشن اتحاد کے رہنما محمود خان اچکزئی کا کہنا ہے کہ آئین اور پارلیمنٹ کی بالادستی کے لیے کوئی بھی اتفاقِ رائے چاہیے تو ہم تیار ہیں، اگر آئین پر چلیں گے تو مل کر آگے بڑھا جاسکتا ہے۔

بانی چیئرمین کی بہن علیمہ خان سے ملاقات کے بعد میڈیا سے گفتگو میں محمود اچکزئی نے کہا کہ ایک اچھا سماجی معاہدہ کریں، پاکستان کو چلائیں۔

اپوزیشن اتحاد کے سربراہ نے مزید کہا کہ حکمران 5 نکات پر دستخط کرلیں تو عمران خان سے دستخط کروانا میری ذمے داری ہے۔

اُن کا کہنا تھا کہ وہ میثاق آئین اور جمہوریت کے لیے بانی پی ٹی آئی سے متعلق گارنٹی دینے کو تیار ہیں۔

علامہ راجا ناصر عباس نے کہا کہ 26ویں اور 27ویں ترمیم سے ملک کا آئین تباہ ہوگیا ہے، ان آئینی ترامیم کے خلاف احتجاج کیا جائے گا۔

اس موقع پر اپوزیشن رہنماؤں نے ملک میں آئینی اصلاحات اور جمہوریت کے تحفظ کےلیے جدوجہد کرنے کا اعلان کیا اور کہا کہ 26ویں اور 27ویں آئینی ترامیم کے خاتمے اور سیاسی قیدیوں کی رہائی تک جدوجہد کریں گے۔