کالعدم ٹی ٹی پی نے افغان سرزمین سے پاکستان میں متعدد حملے کیے ، ڈنمارک

کالعدم ٹی ٹی پی نے افغان سرزمین سے پاکستان میں متعدد حملے کیے ، ڈنمارک

نیویارک

اقوام متحدہ میں خطاب کرتے ہوئے ڈنمارک کی سفیر کرسٹینا مارکس لاسن نے کہا ہے کہ افغانستان میں کالعدم تحریک طالبان پاکستان (ٹی ٹی پی) کے تقریباً 6 ہزار جنگجو موجود ہیں جو خطے کی سکیورٹی کو مسلسل عدم استحکام کی طرف دھکیل رہے ہیں۔

انہوں نے کہا کہ طالبان حکومت کالعدم ٹی ٹی پی کو لاجسٹک سپورٹ اور تعاون فراہم کر رہی ہے، جس کے نتیجے میں پورے خطے میں دہشت گردی کے خطرات مزید بڑھ گئے ہیں۔ کرسٹینا مارکس لاسن نے مزید بتایا کہ کالعدم ٹی ٹی پی نے افغان سرزمین کو استعمال کرتے ہوئے پاکستان میں متعدد حملے کیے، جن میں بڑے پیمانے پر جانی نقصان ہوا، اور یہ صورتحال نہ صرف پاکستان بلکہ پورے خطے کے امن و استحکام کے لیے تشویش کا باعث ہے۔

ڈنمارک کی سفیر نے عالمی برادری پر زور دیا کہ وہ اس بڑھتے ہوئے خطرے کو سنجیدگی سے نوٹس لے اور افغانستان میں دہشت گرد گروہوں کی محفوظ پناہ گاہوں کے خاتمے کے لیے مشترکہ اور فوری اقدامات کرے۔