پی ٹی آئی رہنماوں پر مبینہ تشدد کا معاملہ،2ایس ایچ اوز سمیت3افسران معطل

راولپنڈی :

سی پی او راولپنڈی کی ہدایت پر اڈیالہ جیل کے باہر پاکستان تحریک انصاف (پی ٹی آئی) کے چیف وہیپ عامر ڈوگر پر مبینہ تشدد کے معاملے پر 2 ایس ایچ اوز اورایک اے ایس آئی کو معطل کردیا گیاہے۔

سی پی او راولپنڈی کی ہدایت کی روشنی میں پولیس افسران کی معطلی کا نوٹیفکیشن جاری کردیا گیا ، نوٹیفکیشن میں کہا گیا ہے کہ اڈیالہ جیل کے باہر پی ٹی آئی کے چیف وہیپ عامر ڈوگر پر پولیس کے مبینہ تشدد کا معاملے پر راولپنڈی پولیس کے 2 ایس ایچ اوز اور ایک اے ایس آئی کو معطل کر دیا گیا ہے۔

نوٹیفکیشن میں مزید کہا گیا کہ معطل ایس ایچ اوز میں ایس ایچ او چکری سب انسپکٹر طیب بیگ، ایس ایچ او دھمیال سب انسپکٹر سلیم قریشی اور تھانہ چکری میں تعینات اے ایس آئی ماجد شامل ہیں۔

مزید بتایا گیا ہے کہ معطل پولیس افسران سے فوری طور پر عہدوں کا چارج بھی واپس لے لیا گیا اور مذکورہ پولیس افسران کو کلوز لائن بھی کر دیا گیا ہے۔

راولپنڈی پولیس کے معطل افسران کے خلاف انکوائری کا آغاز کر دیا گیا ہے اور ڈی پی او جہلم کو انکوائری افسر مقرر کر دیا گیا ہے۔