جنگ ہو،تباہ کن زلزلہ ہو یا سیلاب،ترکیہ نے ہرمشکل وقت میں پاکستان کا ساتھ دیا ہے،وزیراعظم شہبازشریف

جنگ ہو،تباہ کن زلزلہ ہو یا سیلاب،ترکیہ نے ہرمشکل وقت میں پاکستان کا ساتھ دیا ہے،وزیراعظم شہبازشریف

ملک بھر اور اسلام آباد میں ترکیہ اور پاکستان کے پرچم لہرارہے ہیں، جو اس بات کی علامت ہے کہ ہمارے دل ترک بہن بھائیوں کے ساتھ دھڑکتے ہیں،ترکیہ کے 102 ویں قومی دن پر منعقدہ تقریب سے خطاب

اسلام آباد

شمشاد مانگٹ

وزیراعظم نواز شریف نے کہا ہے کہ ترکیہ نے ہرمشکل وقت میں پاکستان کا ساتھ دیا ہے، جنگ ہو،تباہ کن زلزلہ ہو یا سیلاب،ترکیہ مدد میں ہمیشہ پیش پیش رہا۔

اسلام آباد میں ترکیہ کے 102 ویں قومی دن کے حوالے سے منعقدہ تقریب سے بطور مہمان خصوصی خطاب کرتے ہوئے وزیراعظم شہباز شریف نے جمہوریہ ترکیہ کی قیادت اور عوام کو قومی دن کی مبارکباد دی اور کہا کہ ملک بھر اور اسلام آباد میں ترکیہ اور پاکستان کے پرچم لہرارہے ہیں، جو اس بات کی علامت ہے کہ ہمارے دل ترک بہن بھائیوں کے ساتھ دھڑکتے ہیں۔

انہوں نے کہا کہ گذشتہ عشروں میں ترکیہ کی ترقی اور خوشحالی کا سفر قابل فخر کامیابیوں سے عبارت ہے، کمال اتا ترک مرحوم نے جدید ترکی کی بنیاد رکھی تھی اور آج ترک صدر رجب طیب اردوان دنیا میں ترقی،استقلال اور قیادت کی روشن مثال بن چکے ہیں اوریہ کامیابی غیرمعمولی لیڈرشپ کے بغیر ممکن نہیں ہوسکتی تھی۔

انہوں نے کہا کہ آج جدید ترکیہ صدر طیب اردوان کی غیرمعمولی قیادت کے باعث جدید، تہذیب، ثقافت کا امتزاج بن چکا ہے۔ انہوں نے کہا کہ پاکستان اور ترکیہ کے درمیان صدیوں پر محیط ہیں اور قریبی مذہبی،ثقافتی رشتوں میں جڑے ہیں۔

شہباز شریف نے کہا کہ ہمارے آبا ؤ اجداد نے جب تحریک خلافت کی حمایت کی اور اس میں حصہ لیا تو انہیں نہیں معلوم تھا کہ ترکیہ ہمارے ساتھ کھڑا رہے گا اور دونوں ممالک یک جان اور دو قالب ہوں گے۔

وزیراعظم نے کہا کہ آج دونوں ممالک معاشی ، تذویراتی اور دفاعی تعاون میں آگے بڑھ رہے ہیں، صدر طیب اردوان نے پاکستان کا دورہ کیا اور حال ہی میں میں بھی اپنے رفقا کے ساتھ ترکیہ گیا، اور ہم نے فیصلہ کیا کہ ہمارے دکھ سکھ مشترکہ ہوں گے، جو کچھ ترکیہ کے پاس ہے وہ پاکستان ہےاور جو کچھ پاکستان کے پاس ہے وہ ہمارے ترک بھائی بہنوں کا ہے۔

انہوں نے کہا کہ 2010 کے تباہ کن سیلابوں میں کے دوران اظہار یکجہتی کیلئےترک صدر پاکستان آئے اور پاکستان کےسیلاب متاثرین کیلئے دل کھول کر امداد دی۔ اور پنجاب،سندھ میں سیلاب متاثرہ علاقوں میں اسپتال،تعلیمی ادارے اور گھر تعمیر کرائے۔

وزیراعظم شہباز شریف نے کہا کہ میں غزہ کے لوگوں کی اور کشمیری عوام کی حمایت پر صدر طیب اردوان کا شکریہ ادا کرتا ہوں بالکل اسی طرح ہم شمالی قبرص کے معاملے پر ترکیہ کی حمایت کرتے ہیں۔