کمپیٹیشن کمیشن کی جانب سے کمپاس پاکستان کو میرٹ پیکجنگ کے اثاثوں کے حصول کی منظوری

کمپیٹیشن کمیشن نے کمپاس پاکستان کو میرٹ پیکجنگ کے اثاثوں کے حصول کی منظوری دے دی

اسلام آباد

شمشاد مانگٹ

کمپیٹیشن کمیشن آف پاکستان نے میرٹ پیکجنگ لمیٹڈ کے اثاثوں کے حصول کی کمپاس پاکستان (پرائیویٹ) لمیٹڈ کو منظوری دے دی ہے۔

اس ٹرانزیکشن کی تفصیل کے مطابق میرٹ پیکجنگ لمیٹڈ، جو کہ ایک لسٹڈ کمپنی ہے اور پیکجنگ و پرنٹنگ سروسز کی پروڈکشن سے منسلک ہے، کے پیکچگنگ سیگمنٹ کے اثاثے کمپاس پاکستان کو منتقل ہو جائیں گے۔ کمپاس پاکستان پرائیویٹ لمیٹڈ کمپنی ہے اور کنزیومر گُڈز کے لیے فلیکس ایبل پیکجنگ مٹیریلز تیار کرنے کے کاروبار سے منسلک ہے۔

اس ٹرانزیکشن میں متعلقہ مارکیٹ “فلیکس ایبل پیکجنگ” ہے ۔ اس ٹرانزیکشن سے کمپاس پرائیویٹ لمیٹیڈ کا مارکیٹ کے شیئر پر کوئی خاض فرق نہیں پڑے گا اور مارکیٹ میں مقابلے کے صورتحال میں کوئی کمی واقع نہیں ہوگی۔

 دستیاب معلومات اور تجزیے کی بنیاد پر، کمیشن نے کمپیٹیشن ایکٹ 2010 کے تحت اس ٹرانزیکشن کی منظوری دے دی ہے۔