اجازت کے بغیر تعمیر جیل پہنچا سکتی ، ڈی سی اسلام آباد

اسلام آباد

شمشاد مانگٹ

وفاقی دارالحکومت میں رہائشی و کمرشل بلڈنگز کی تعمیرات کے معاملہ پر ضلعی انتظامیہ حکام نے کہا ہے کہ بغیر اجازت تعمیر آپ کو جیل پہنچا سکتی ہے ۔

 ڈپٹی کمشنر اسلام آباد عرفان نواز میمن نے کہا کہ وفاقی دارالحکومت میں بغیر اجازت کسی بھی قسم کی تعمیرات نہیں کی جا سکتیں ، تعمیرات کیلئے سی ڈی اے کا اجازت نامہ ہونا ضروری ہے ۔

ڈی سی اسلام آباد نے کہا کہ بغیر اجازت تعمیرات کرنے والوں کے خلاف متعلقہ مجسٹریٹس کارروائیاں کریں گے ، کارروائی مالک اور کام کرنے والے مزدوروں دونوں کے خلاف کی جائے گی ۔

بغیر اجازت نامہ دیکھے مٹیریل بیچنے والوں کے خلاف بھی کاروائی کی جائے گی ، شہریوں سے التماس ہے کہ بغیر اجازت نامہ کسی بھی قسم کی تعمیرات کا حصہ مت بنیں ۔