فیڈرل کانسٹیبلری ہیڈکوارٹر پشاور سے اسلام آباد منتقل کرنے کا فیصلہ

فیڈرل کانسٹیبلری ہیڈکوارٹر پشاور سے اسلام آباد منتقل کرنے کا فیصلہ

محسن نقوی کی ہدایت ، اسلام آباد میں ایف سی ہیڈکوارٹر کے لیے اراضی فوری مختص کی جائے

اسلام آباد

 شمشاد مانگٹ

فیڈرل کانسٹیبلری کا ہیڈکوارٹر پشاور سے اسلام آباد منتقل کرنے کا اصولی فیصلہ کر لیا گیا۔ اس سلسلے میں وفاقی وزیر داخلہ محسن نقوی کی زیر صدارت سی ڈی اے ہیڈکوارٹر میں اہم اجلاس ہوا۔

اجلاس میں وزیرِ مملکت برائے داخلہ طلال چوہدری، وفاقی سیکرٹری داخلہ، کمانڈنٹ و ڈپٹی کمانڈنٹ فیڈرل کانسٹیبلری، چیئرمین سی ڈی اے، آئی جی اسلام آباد پولیس، ڈپٹی کمشنر اسلام آباد سمیت دیگر سینئر حکام نے شرکت کی۔

وزیرِ داخلہ نے اجلاس سے خطاب کرتے ہوئے ہدایت دی کہ فیڈرل کانسٹیبلری کے ہیڈکوارٹر کے لیے اسلام آباد میں موزوں اراضی فوری طور پر مختص کی جائے اور جلد از جلد ماسٹر پلان پیش کیا جائے۔

انہوں نے کہا کہ زمین کی نشاندہی کے دوران ہیڈکوارٹر اور ٹریننگ کی تمام ضروریات کو مدنظر رکھا جائے، تاکہ فیڈرل کانسٹیبلری کو جدید تقاضوں سے ہم آہنگ کیا جا سکے۔ محسن نقوی نے زور دیا کہ فیڈرل کانسٹیبلری کو جدید بنیادوں پر استوار کرتے ہوئے ایک منظم اور فعال فورس کے طور پر تیار کیا جائے گا۔