ہائیکورٹ کی اجازت کے باوجود مجھے عمرے پر جانے سے روکا گیا ، شیخ رشید

ہائیکورٹ کی اجازت کے باوجود مجھے عمرے پر جانے سے روکا گیا ، شیخ رشید

راولپنڈی

عوامی مسلم لیگ کے سربراہ اور سابق وزیر داخلہ شیخ رشید احمد نے کہا ہے کہ ابھی 27ویں ترمیم نہیں آئی، جب آئے گی تب دیکھ لیں گے، ہائیکورٹ کی اجازت کے باوجود مجھے عمرے پر جانے سے روکا گیا، اس فیصلے کو چیلنج کریں گے، ہمارا جینا، مرنا پاکستان کے ساتھ ہے۔

راولپنڈی میں انسداد دہشت گردی کی خصوصی عدالت (اے ٹی سی) کے باہر میڈیا سے گفتگو کرتے ہوئے شیخ رشید احمد نے کہا کہ ہائیکورٹ راولپنڈی بینچ کے جسٹس صداقت علی نے ایگزٹ کنٹرول لسٹ (ای سی ایل) سے میرا نام نکالا اور سختی سے ہدایت کی تھی کہ ان کو جانے دیں۔

شیخ رشید نے کہا کہ ٹرمپ جانے یا حکومت، پیار کی پینگیں ہمارے ساتھ اور 10 سالہ دفاعی معاہدہ بھارت کے ساتھ کر لیا۔

انہوں نے کہا کہ میں ہر پیشی پر عدالت پیش ہوتا ہوں حالاں کہ جب وقوعہ ہوا تو میں پاکستان میں ہی نہیں تھا۔

سابق وزیر داخلہ کا 27 ویں آئینی ترمیم کے سوال پر کہنا تھا کہ ابھی 27ویں ترمیم نہیں آئی، جب آئے گی تب دیکھ لیں گے۔