خوشاب (راجہ نورالہی عاطف سے) توقیرمحمدنعیم ڈی پی او خوشاب کی زیر نگرانی خوشاب پولیس کی جانب سے خواتین کے حقوق کو اجاگر کرنے اور خواتین پر تشدد اور ہراسمنٹ کی حوصلہ شکنی کرنے کے سلسلہ میں Never Again آگاہی واک۔ واک میں ڈپٹی کمشنر خوشاب ذیشان شبیر رانا کی بطور مہمان خصوصی شرکت۔ خوشاب پولیس کے زیر انتظام واک میں تمام شعبہ ہائے نرسنگ، ایجوکیشن، وومن پروٹیکشن سنٹر اور پولیس سے تعلق رکھنے والی خواتین اور طالبات نے بھرپور شرکت کی۔ واک کا آغاز ڈسٹرکٹ پولیس آفس خوشاب بمقام جوہرآباد سے ہوا اور ڈی پارک جوہرآباد میں اختتام پذیر ہوئی۔ واک کے شرکاء سے ڈپٹی کمشنر خوشاب ذیشان شبیر رانا، سوشل ویلفیئر آفیسر وومن پروٹیکشن سنٹر ام ایمن اور ڈی پی او خوشاب نے خطاب کیا اور خواتین کے حقوق کو اجاگر کیا۔ اس موقع پر ڈی پی او خوشاب توقیرمحمدنعیم نے کہا کہ خواتین کا کسی بھی معاشرے کی ترقی میں انتہائی اہم کردار ہے جیسے ایک گھر خاتون کے بغیر نہیں چل سکتا اسی طرح ایک معاشرہ ایک ملک بھی خواتین کے بغیر نہیں چل سکتا۔ خوشاب پولیس خواتین کے حقوق ان کے مسائل کے حل کے لیے اپنا بھرپور کردار ادا کرتی رہے گی۔ خواتین کی آسانی کے لیے تمام تھانوں میں وومن ہیلپ ڈیسک اور ضلعی سطح پر اینٹی وومن ہراسمنٹ سیل کام کر رہا ہے آپ کو کبھی بھی کوئی بھی شکایت گھر پر، کام کی جگہ پر یا کہیں بھی ہو آپ اس کو ضرور رپورٹ کریں ہم بروقت اور مکمل تحفظ فراہم کریں گے۔ خوشاب پولیس خواتین پر ظلم و تشدد کی روک تھام، حقوق کے تحفظ کے لئے پرعزم ہیں۔
شہریوں میں شعور اجاگر کرنے کیلئے “NEVER AGAIN” آگاہی واک، “خواتین پر تشدد اب نہیں” Never Again کے عنوان سے منعقد کی گئی ہے۔ وزیر اعلی پنجاب کے ویژن کے مطابق خواتین کا تحفظ اور صنفی جرائم کا خاتمہ خوشاب پولیس کی اولین ترجیح ہے، خوشاب پولیس خواتین سے متعلقہ ہر جرم پر زیرو ٹالرنس کے تحت سخت قانونی کاروائی پر کاربند ہے۔ ہم یہ یقینی بنائیں گے کہ ہماری مائیں ، بہنیں اور بیٹیاں مکمل محفوظ ماحول میں اپنی زندگیاں گذار سکیں۔
Trending
- پی وی ایم سی میں 70 ملین روپے کی بے ضابطگی، سابق سیکرٹری کی بدعنوانی کے خلاف آواز بلند
- اسلام آباد : موٹروے چوک پر ماڈرن بس ٹرمینل میں غیر قانونی آپریشن، ٹریفک پولیس کی کارروائی پر سوالات اٹھنے لگے
- تھانہ بنی گالہ پولیس کی جرائم پیشہ عناصر کے خلاف بڑی کارروائیاں، چوری اور منشیات فروشی میں ملوث 6 ملزمان گرفتار، لاکھوں روپے کی برآمدگیاں
- ڈاکٹر فاروق عادل کی نئی کتاب “دیکھا جنہیں پلٹ کے” شخصی خاکوں کا ایک جامع مجموعہ
- پاکستان کی ای کامرس مارکیٹ میں اضافہ ، آئندہ سال تک 7.5 بلین امریکی ڈالر تک پہنچنے کی توقع
- اسلام آباد پولیس کی بڑی کامیابی ، “سٹار 96” ٹیرر گروپ کے پانچ خطرناک ملزمان گرفتار
- ملک میں بڑھتی مہنگائی اور بے روزگاری ، 29 لاکھ پاکستانی ملک چھوڑنے پر مجبور
- صحافت میں سچائی کا سفر پھولوں کی سیج نہیں بلکہ کانٹوں کا بستر ہوتا ہے
- عمران خان کو جی ایچ کیو حملہ کیس میں ویڈیو لنک کے ذریعے پیش کرنے کے فیصلے کے خلاف درخواست خارج
- اسلام آباد ہائیکورٹ کے پانچ ججز کا چیف جسٹس سرفراز ڈوگر کے مختلف اقدامات اور اختیارات کو سپریم کورٹ میں چیلنج
Comments are closed.