ایف آئی اے گوجرانوالہ زون کی بڑی کاروائی ، بیرون ملک ملازمت کا جھانسہ دیکر لاکھوں روپے بٹورنے میں ملوث 4انسانی سمگلر گرفتار

ایف آئی اے گوجرانوالہ زون کی بڑی کاروائی ، بیرون ملک ملازمت کا جھانسہ دیکر لاکھوں روپے بٹورنے میں ملوث 4انسانی سمگلر گرفتار

اسلام آباد

شمشاد مانگٹ

ایف آئی اے پولیس گوجرانوالہ زون نے انسانی سمگلروں اور ویزہ فراڈ مافیا کیخلاف کارروائی کرتے ہوئے خاتون سمیت 4 ایجنٹ گرفتار کرلئے۔گرفتار ملزمان کی شناخت وسیم عباس، حیدر، حارث شاہد اور نبیلہ کے نام سے ہوئی ۔

ترجمان ایف آئی اے پولیس نے بتایا کہ ملزمان کو چھاپہ مار کاروائی میں سیالکوٹ، منڈی بہا الدین اور گجرانوالہ سے گرفتار کیا گیا۔ملزمان شہریوں کو بیرون ملک ملازمت کا جھانسہ دے کر لاکھوں روپے ہتھیانے میں ملوث پائے گئے ۔

ترجمان کے مطا بق ملزم حارث شاہد نے شہری کو البانیہ ملازمت دلوانے کی غرض سے 26لاکھ 60ہزار روپے ہتھیائے ۔ملزمان نے شہری کو اٹلی کی بجائے آذربائجان اور بعد ازاں ازبکستان بھجوایا ملزم وسیم عباس نے شہری ست سعودی عرب ملازمت کا جھانسہ دے کر 22لاکھ 50ہزار روپے بٹورے۔

ترجمان نے مزید بتایا کہ ملزم شہری کو سعودی عرب ملازمت دلوانے میں ناکام رہاگرفتار ملزم حیدر اور نبیلہ نے شہری کو یو اے ای ملازمت کا جھانسہ دے کر 7لاکھ 72ہزار روپے ہتھیائے۔

ترجمان ایف آئی اے پولیس کے مطابق ملزمان شہریوں کو بیرون ملک بھجوانے میں ناکام رہے ۔ملزمان بھاری رقوم وصول کر کے روپوش ہوگئے تھے ۔ملزمان کو گرفتار کر کے تفتیش کا آغاز کر دیا گیا ہے ۔