بھارت نے آپریشن مہادیو کے نام سے جعلی مقابلوں میں گرفتار پاکستانیوں کا قتل عام شروع کردیا

بھارت نے آپریشن مہادیو کے نام سے جعلی مقابلوں میں گرفتار پاکستانیوں کا قتل عام شروع کردیا
آپریشن سندور کی ناکامی پر پردہ ڈالنے کیلئے نیا مذموم فوجی منصوبہ بے نقاب ہوگیا

نئی دہلی

بھارت نے “آپریشن سندور” کی ناکامی پر پردہ ڈالنے کیلئے نیا مذموم فوجی منصوبہ “آپریشن مہادیو” شروع کر دیا، غیرقانونی حراست میں رکھے گئے معصوم پاکستانیوں کو جعلی مقابلوں میں استعمال کرنے کا مذموم منصوبہ بے نقاب ہوگیا۔

رپورٹ کے مطابق بھارت نے آپریشن سندور کی ناکای پر پردہ ڈالنے کیلئے نیا مذموم منصوبہ “آپریشن مہادیو” شروع کردیا، جس کا مقصد مقبوضہ کشمیر میں تحریکِ آزادی کو کچلنا اور ملک میں سیاسی ساکھ بحال کرنا ہے۔

سیکیورٹی ذرائع کے مطابق پہلگام فالس فلیگ آپریشن کے فوری بعد بھی بھارتی فوج کی جانب سے فیک انکاؤنٹرز کا سلسلہ شروع کیا گیا تھا، منصوبے کے تحت جیلوں میں قید افراد کو مارنے کے بعد پاکستان سے آئے دہشت گرد قرار دیا جائے گا۔

723 پاکستانی مختلف بھارتی جیلوں میں غیرقانونی طور پر بند ہیں، 56 ایسے پاکستانی افراد بھی ہیں جو بھارتی خفیہ ایجنسیوں نے غیرقانونی اور جبراً حراست میں رکھے ہوئے ہیں، ڈی جی آئی ایس پی آر ان کی تفصیلات دے چکے ہیں۔

سیکیورٹی ذرائع کا کہنا ہے کہ حسب روایت فیک انکاؤنٹرز کے فوری بعد بھارتی میڈیا کو ان افراد کی لاشیں اور پلانٹڈ ہتھیار وغیرہ کی ویڈیوز اور تصویریں شیئر کی جارہی ہیں۔

مصدقہ اطلاعات کے مطابق غیرقانونی طور پر حراست میں رکھے گئے افراد کو دہشت گرد ظاہر کرکے میڈیا کے سامنے پاکستان مخالف بیانات اور اعتراف جرم کے بیان بھی دلوائے جاسکتے ہیں، ان افراد کو کسی بھی وقت پاکستان کیخلاف ہرزہ سرائی اور جارحیت کرنے کیلئے استعمال کیا جاسکتا ہے۔

سیکیورٹی ذرائع کا کہنا ہے کہ بھارتی فوج مقبوضہ کشمیر میں فیک انکاؤنٹر اسپیشلسٹ کے طور پر دنیا بھر میں بدنام ہے، آپریشن مہادیو بھارتی فوج کی جانب سے فیک انکاؤنٹرز کا تسلسل ہے۔