احتجاج کیس میں عدم پیشی، علیمہ خان اور عظمیٰ خان کے خلاف گرفتاری کے احکامات

اسلام آباد

شمشاد مانگٹ

انسداد دہشت گردی عدالت اسلام آباد نے مسلسل عدم پیشی پر علیمہ خان اور عظمیٰ خان کو گرفتار کرکے پیش کرنے کا حکم دے دیا۔

انسداددہشتگردی عدالت اسلام آباد میں پی ٹی آئی رہنماؤں و دیگر کے خلاف 4 اکتوبر احتجاج کیس کی سماعت ہوئی، عمران خان کی بہنوں علیمہ خان اور عظمیٰ خان کے وارنٹ گرفتاری جاری کیے گئے۔

انسداددہشت گردی عدالت کے جج طاہر عباس سپرا نے مسلسل عدم پیشی پر وارنٹ گرفتاری جاری کئے، علیمہ خان اور عظمیٰ خان کے خلاف تھانہ کوہسار میں مقدمہ درج ہے۔

عدالت نے کیس کی مزید سماعت 22 نومبر تک ملتوی کردی۔

arrest orders issued against Alima Khan and Azma Khan Non-appearance in protest case