ایف آئی اے ہیڈکوارٹرز میں افسران کی ترقی کی تقریب ، ڈی جی رفعت مختار راجہ کی خصوصی شرکت

ایف آئی اے ہیڈکوارٹرز اسلام آباد میں اسسٹنٹ ڈائریکٹر سے ڈپٹی ڈائریکٹر رینک پر ترقی پانے والے افسران کو رینک لگانے کی تقریب

ڈی جی ایف آئی اے رفعت مختار راجہ نے بطور مہمان خصوصی تقریب میں شرکت کی

اسلام آباد

شمشاد مانگٹ

وفاقی تحقیقاتی ادارے (ایف آئی اے) کے ہیڈکوارٹرز اسلام آباد میں اسسٹنٹ ڈائریکٹر سے ڈپٹی ڈائریکٹر کے عہدے پر ترقی پانے والے افسران کو رینک لگانے کی باوقار تقریب منعقد ہوئی۔ تقریب کے مہمانِ خصوصی ڈی جی ایف آئی اے رفعت مختار راجہ تھے۔

تقریب میں ایڈیشنل ڈائریکٹر جنرلز، ڈائریکٹرز اور دیگر سینئر افسران نے شرکت کی، جبکہ ترقی پانے والے افسران کے اہل خانہ نے بھی بڑی تعداد میں شرکت کر کے لمحات کو یادگار بنایا۔

ڈی جی ایف آئی اے کے ہمراہ اے ڈی جی ہیڈکوارٹرز جان محمد، اے ڈی جی امیگریشن شکیل درانی اور اے ڈی جی اینٹی کرپشن ونگ محمد جعفر نے افسران کو رینک لگائے۔

ترقی پانے والے افسران میں اعجاز احمد شیخ، بابر شہریار، رضوان اسلم، بہاول استو، میاں ربنواز، صابر حسین، احسن علی ہانی باجوہ، محمد حسن جلیل، صائم سلطان، جواد علی، بلال طارق، عامر اقبال، فہد خواجہ، جائر نصرانی، ناذیہ امبرین، رابعہ قریشی، شاہد حبیب، شیراز احمد، شواز احمد، ساجد امین، اجمل صادق، عبد الرؤوف، احمر نعیم سندھو، عدیل عباس، محمد اجمل اور ہارون ملک شامل ہیں۔

ڈی جی ایف آئی اے رفعت مختار راجہ نے ترقی پانے والے افسران کو مبارکباد دیتے ہوئے نیک تمناؤں کا اظہار کیا۔ ان کا کہنا تھا کہ ترقی کے ساتھ ذمہ داریاں بھی بڑھتی ہیں، اور افسران کو چاہیے کہ وہ دیانتداری، پیشہ ورانہ مہارت اور فرض شناسی کو اپنی پیشہ ورانہ زندگی کا جزوِ لازم بنائیں۔

انہوں نے مزید کہا کہ ایف آئی اے ملکی قانون کی بالادستی، انصاف کی فراہمی اور منظم جرائم کے خلاف جدوجہد میں کلیدی کردار ادا کر رہا ہے، اور ادارے کی کامیابی افسران کی لگن اور دیانت داری سے وابستہ ہے۔

آخر میں ڈی جی ایف آئی اے نے امید ظاہر کی کہ ترقی پانے والے افسران نئے جذبے اور عزم کے ساتھ اپنی ذمہ داریاں نبھائیں گے اور ایف آئی اے کے وقار کو مزید بلند کریں گے۔