پشاور بورڈ ، 11ویں جماعت کے نتائج کا اعلان، 37ہزار سے زائد طلبہ فیل

پشاور بورڈ ، گیارویں جماعت کے نتائج کا اعلان، کامیابی کا تناسب 44 فیصد

37 ہزار سے زائد طلبہ فیل، بارہویں جماعت میں پروموشن کی سہولت

پشاور

ولی الرحمن

تعلیمی بورڈ پشاور نے گیارویں جماعت کے سالانہ امتحانات کے نتائج جاری کر دیے، جن میں کامیابی کا تناسب صرف 44 فیصد رہا۔

اعداد و شمار کے مطابق امتحانات میں 66 ہزار 695 طلبہ و طالبات نے حصہ لیا۔ ان میں سے 29 ہزار 487 کامیاب قرار پائے جبکہ 37 ہزار 208 طلبہ مختلف مضامین میں فیل ہو گئے۔

بورڈ حکام کا کہنا ہے کہ فیل ہونے والے 56 فیصد طلبہ سالانہ امتحان نمبر 2 میں دوبارہ پرچہ دیں گے۔ تاہم پالیسی کے تحت تمام ناکام طلبہ کو بھی بارہویں جماعت میں پروموٹ کر دیا جائے گا تاکہ وہ اپنی تعلیم جاری رکھ سکیں۔