اسلام آباد صدر ایران کی تصاویر اور دونوں پڑوسی ممالک کے پرچموں سے مزین ہوگیا

(President of Iran) صدر ایران ڈاکٹر سید ابراہم رئیسی آج پیر کی صبح اپنے پاکستانی ہم منصب کی دعوت پر اسلام آباد پہنچ رہے ہیں، اس مناسبت سے اس خوبصورت شہر کی سڑکیں کئی دن پہلے سے ہی صدر ایران اور پاکستان کے صدر نیز وزیر اعظم کی تصاویر اور بینروں سے سج گئی ہیں۔ رپورٹ کے مطابق اسلام آباد کے اہم چوراہوں کو صدر ایران(President of Iran) کی تصاویر سے سجادیا گیا ہے۔ اس رپورٹ کے مطابق اسلام آباد ایئر پورٹ سے اس ہوٹل تک کی شاہراہ سمیت جہاں صدر ڈاکٹر سید ابراہیمی رئیسی(President of Iran) اور ان کے ہمراہ پاکستان کے دورے پر جانے والے اعلی سطح وفد کا قیام ہوگا، اسلام آباد کی سبھی اہم شاہراہیں، ایوان صدر اور وزیر اعظم سیکریٹریٹ کے سامنے کی سڑکیں بہت خوبصورتی سے سجائی گئی ہیں۔ پاکستان کے وفاقی دارالحکومت کی شاہراہوں اور اہم چوراہوں کو دونوں پڑوسی ملکوں کے پرچموں سے سجائے گئے ہیں۔ پاکستان کے عوام ایران اور ایرانیوں سے خاص لگاؤ رکھتے ہیں اور ایران کے حکام کے لئے خاص احترام کے قائل ہیں۔

رپورٹ کے مطابق پاکستانی عوام اپنے وفاقی دارالحکومت کی شاہراہوں اور چوراہوں پر صدر ایران(President of Iran) کی تصاویر اور ایران کا قومی پرچم دیکھ کر مسرور نظر آتے ہیں اور صدر ایران کی آمد کا بے چینی سے انتظار کررہے ہیں۔ پاکستان کے عوام اور حکام کو امید ہے کہ صدر ایران ڈاکٹر سید ابراہیم رئیسی(President of Iran) کا دورہ دونوں پڑوسی ملکوں بالخصوص پاکستان کے لئے بہت اچھا موقع ہے اور اس دورے سے دونوں ملکوں کے اقتصادی اور تجارتی روابط میں فروغ آئے گا۔ ایران کے صدر آیت اللہ ڈاکٹر سید ابراہیم رئیسی(President of Iran) کے دورہ اسلام آباد کے حوالے سے پاکستان کی سیاسی جماعتوں، مذہبی تنظیموں اور سیول سوسائٹی سے تعلق رکھنے والوں نے ویڈیو پیغامات اور بیانات جاری کرکے صدر ایران کے دورہ پاکستان کا خیرمقدم کیا ہےاور اس دورے کو اپنے لئےباعث فخر قرار دیتے ہوئے خوشی کا اظہار کیا ہے۔ ان شخصیات نے اپنے پیغامات میں کہا ہے کہ ایران کی غیور قوم مظلومین عالم بالخصوص مظلوم فلسطینی عوام کی حامی ہے اور پاکستان کے مسلمان عوام اس غیور قوم کے صدر کی میزبانی کو اپنے لئے باعث افتخار سمجھتے ہیں۔ اسی کے ساتھ اسلام آباد میں اسلامی جمہوریہ ایران کے سفارت خانے نیز کراچی اور لاہور میں ایرانی قونصلیٹ سے پاکستان کے دیگر شہروں کی عوامی تنظیموں نے باضابطہ درخواست کی ہے کہ صدر ایران ان کے شہروں کا بھی دورہ کریں۔