روات ،ملزمان کی پولیس پر فائرنگ،جوا بی کارروائی میں خطرناک ملزم واحد عرف واحدی ہلاک

روات ،ملزمان کی پولیس پر فائرنگ،جوا بی کارروائی میں خطرناک ملزم واحد عرف واحدی ہلاک

اسلام آباد

شمشاد مانگٹ

تھانہ روات کے علاقے بنگیال میں پولیس ریڈنگ پارٹی پر خطرناک ملزمان نے فائرنگ کی جس پر جوابی کارروائی کرتے ہوئے پولیس نے منشیات فروشی، قتل، اغواء و بھتہ خوری میں ملوث انتہائی خطرناک و مطلوب ملزم واحد عرف واحدی کو ہلاک کردیا جبکہ دو ملزمان کو زخمی حالت میں گرفتار کرلیاگیا۔

پولیس کے مطابق ملزمان کی جانب سے قریب دو گھنٹہ تک پولیس پارٹی پر فائرنگ کی جاتی رہی۔

پولیس ترجمان نے بتایا کہ ہلاک ملزم واحد عرف واحدی قتل، اغوائ، منشیات فروشی اور دیگر بیسیوں مقدمات و جرائم میں ریکارڈ یافتہ اور پولیس کو مطلوب تھاجبکہ ہلاک ملزم کے خلاف اسلحہ کی نوک پر بھتہ خوری کی بھی شکایات سامنے آئی تھیں۔

ہلاک ملزم نے چند ہفتہ قبل خاتون سمیت تین افراد کو اغواءکر کے نازیبا ویڈیو بھی وائرل کی تھی۔

ملزم کے خلاف ریڈ ایس پی صدر کی سربراہی میں روات پولیس اور ایلیٹ کمانڈوز کے دستوں نے کیا

پولیس نے بتایا کہ واحد عرف واحدی کی گرفتاری کے لئے ایس ایس پی آپریشنز کی سربراہی میں گزشتہ کئی ہفتوں سے پولیس ٹیمیں کام کر رہی تھی

پولیس نے مزید بتایا کہ واحد عرف واحدی کی گرفتاری کے لئے جانے والی ریڈنگ پارٹی پر قبل ازیں بھی ملزمان نے فائرنگ کی تھی

سی پی او خالد ہمدانی نے خطرناک ملزمان کی مسلسل فائرنگ کے باوجود بہادری سے مقابلہ کرنے پر پولیس کی تعریف کی اور انہیں شاباش دی۔