چیئرمین پی ٹی اے کا عوامی نیشنل پارٹی کے سینیٹر ایمل ولی خان پر چر س کا سگریٹ پینے کا الزام

اسلام آباد

شمشاد مانگٹ

قائمہ کمیٹی اجلاس میں اس وقت صورتحال خراب ہوگئی جب چیئرمین پی ٹی اے نے عوامی نیشنل پارٹی کے سینیٹر ایمل ولی خان پر چر س کا سگریٹ پینے کا الزام لگایا،معاملہ گرم ہونے پر چیئرمین پی ٹی اے نے معافی بھی مانگی لیکن سینیٹر ایمل ولی خان نے ان کیخلاف کارروائی کا مطالبہ کردیا بعد ازاں چیئرمین پی ٹی اے کو اجلاس چھوڑ کر جانا پڑا۔

تفصیلات کے مطابق قائمہ کمیٹی اجلاس چیئرمین پی ٹی اے کا سینیٹر ایمل ولی خان پر چرس کا سگریٹ پینے کا الزام لگاتے ہوئے کہا کہ ” مجھے بھی چرس کا سگریٹ دیں “ چیئرمین پی ٹی اے کا سینیٹر ایمل ولی خان پر طنز کرتے ہوئے چیئرمین قائمہ کمیٹی سے تقاضاکیا جس کے بعد اے این پی کے سربراہ سینیٹر ایمل ولی خان اور چیئرمین پی ٹی اے حفیظ الرحمان کے درمیان شدید جھڑپ شروع ہوئی۔

سینیٹر ایمل ولی خان چیئرمین پی ٹی اے پر بھڑک اٹھے اور کہاآپ کو تکلیف کیا ہے ؟ ایک سرکاری ملازم مجھے کیسے کہہ سکتا ہے کہ تم چرس پی کر آئے ہو،ایک سرکاری افسر کا یہ انداز بالکل قابل قبول نہیں ، آپ کو یہ جرات کس نے دی ہے کہ ایسے بات کریں۔

جس پر چیئرمین پی ٹی اے نے غلطی کا اعتراف کرتے ہوئے معافی مانگی لیکن سینیٹر ایمل ولی خان کا غصہ ٹھنڈا نہ ہوا اور انہوں نے کہا کہ اگر آپ چرس اور شراب پیتے ہیں تو ایسی باتیں کیا کریں۔

سینیٹر ایمل ولی خان نے قائمہ کمیٹی سے چیئرمین پی ٹی اے کے خلاف کارروائی کا مطالبہ کرتے ہوئے کہا کہ چیئرمین پی ٹی اے اجلاس میں رہے گا یا میں رہوں گا ،ان کیخلاف سخت کارروائی کی جائے جس پر چیئرمین پی ٹی اے کو قائمہ کمیٹی کا اجلاس چھوڑ کر جانا پڑا ۔

اس موقع پر بات کرتے ہوئے چیئرمین قائمہ کمیٹی آغا شاہزیب درانی نے کا کہ چیئرمین پی ٹی اے کے رویہ کی مذمت کرتے ہیں ،چیئرمین پی ٹی اے نے سینیٹر ایمل ولی کی ہی نہیں قائمہ کمیٹی کی توہین کی ہے اور چیئرمین قائمہ کمیٹی نے چیئرمین پی ٹی اے کی بدتمیزی کا معاملہ وزیراعظم کے سامنے اٹھانے کا فیصلہ کیا اور مطالبہ کیا کہ وزیراعظم چیئرمین پی ٹی اے کے خلاف ایکشن لیں ۔

قائمہ کمیٹی کی سیکرٹری آئی ٹی کو بھی معاملہ نوٹس لینے کی ہدایت