سید علی گیلانی کی پاکستان سے لازوال محبت باعث فخر اور کشمیریوں سے ہمارے روحانی اور دلی تعلق کی علامت ہے ، وزیراعظم شہباز شریف

سید علی گیلانی کی پاکستان سے لازوال محبت باعث فخر اور کشمیریوں سے ہمارے روحانی اور دلی تعلق کی علامت ہے ، وزیراعظم شہباز شریف

اسلام آباد

وزیراعظم محمد شہباز شریف کا کل جماعتی حریت کانفرنس کے بانی رہنما سید علی گیلانی کی چوتھی برسی پر پیغام

آج کے دن میں پاکستانی قوم اور حکومت کی طرف سے سید علی گیلانی کی چوتھی برسی کے موقع پر کشمیر کے لئے انکی بے مثال جدو جہد کو خراج عقیدت پیش کرتا ہوں۔

سید علی گیلانی نے اپنی سیاسی بصیرت اور مدبرانہ قیادت سے کشمیر اور کشمیریوں کی آواز کو تاریخ میں زندہ رکھا تاکہ اسکی گونج دنیا کے ایوانوں تک پہنچ سکے۔

سید علی گیلانی کی پاکستان سے لازوال محبت پاکستان کے لیے باعث فخر اور کشمیریوں سے ہمارے روحانی اور دلی تعلق کی علامت ہے۔

سید علی گیلانی نے اپنی زندگی کشمیر کی آزادی کی جدوجہد کے لئے وقف کردی اور کشمیریوں کی جدوجہد آزادی میں کلیدی کردار ادا کیا.

انکی زندگی کشمیریوں کے لیے ظالمانہ تسلط کے خلاف مزاحمت کی دائمی علامت ہے۔

سید علی گیلانی کی سیاسی تعلیمات کشمیریوں کی نسلوں کے لیۓ حق خود ارادیت سے آگاہی اور جدوجہد کی میراث ہے۔

“ہم پاکستانی ہیں۔ پاکستان ہمارا ہے” سید علی گیلانی کا یہ نعرہ آج بھی کشمیریوں کی زبان پر بھرپور انداز سے جاری اور جابر کے دل و دماغ پر طاری ہے۔