تاجک وزیر دفاع کی فیلڈ مارشل سے ملاقات، دونوں ممالک کے درمیان دوطرفہ دفاعی تعاون بڑھانے پر اتفاق

تاجک وزیر دفاع کی فیلڈ مارشل سے ملاقات، دونوں ممالک کے درمیان دوطرفہ دفاعی تعاون بڑھانے پر اتفاق

راولپنڈی

شمشاد مانگٹ

تاجکستان کے وزیر دفاع کرنل جنرل صابرزادہ امام علی عبداللہ رحیم نے جنرل ہیڈکوارٹرز (جی ایچ کیو) راولپنڈی کا دورہ کیا جہاں انہوں نے فیلڈ مارشل سید عاصم منیر سے ملاقات کی۔

آئی ایس پی آر کے اعلامیے میں بتایا گیا ہے کہ ملاقات کے دوران فوجی تربیت، انسدادِ دہشتگردی اور علاقائی امن و استحکام جیسے اہم شعبوں پر بھی اتفاق رائے ہوا۔

تاجک وزیر دفاع نے پاکستانی فوج کی پیشہ ورانہ صلاحیتوں اور علاقائی امن کے لیے کردار کو بھرپور سراہتے ہوئے کہا ہے کہ پاکستان کی مسلح افواج نے خطے میں امن کے قیام کے لیے نمایاں کردار ادا کیا ہے۔

اس موقع پر فیلڈ مارشل سید عاصم منیر نے خطے کی سلامتی اور خوشحالی کے لیے اجتماعی اقدامات کی اہمیت پر زور دیتے ہوئے تاجکستان کے ساتھ دفاع اور سلامتی کے شعبوں میں تعاون مزید بڑھانے کے پاکستان کے عزم کو دہرایا۔