کرک ، انڈس ہائی وے پر ٹریفک حادثہ، 4 افراد جاں بحق 14 زخمی

کرک ، انڈس ہائی وے پر ٹریفک حادثہ، 4 افراد جاں بحق 14 زخمی

پشاور

کرک میں انڈس ہائی وے پر ٹریفک حادثہ، 4 افراد جاں بحق 14 زخمی ہوگئے۔

ریسکیو 1122 عملہ کے مطابق تمام زخمیوں کو ہسپتال منتقل کر دیا گیا جہاں انہیں علاج معالجہ فراہم کیا جا رہا ہے، متعدد زخمیوں کی حالت تشویشناک ہے۔

دوسری جانب ہسپتال انتظامیہ کا کہنا ہے کہ زخمیوں کو خون کی اشد ضرورت ہے۔

جاں بحق ہونیوالوں کی شناخت عاکف جنید خان ولد آختر حسین عمر 20 سال سکنہ پشاور، اویس عمر 40 سال سکنہ پشاور، ذوالفقار عمر 45 سال سکنہ پشاور کے نام سے ہوئے، چوتھے جاں بحق ہونے والے شخص کی شناخت تاحال معلوم نہیں ہو سکی۔

زخمیوں میں رمضان عمر 58 سال سکنہ ضلع لیہ، ثمر عباس ولد غلام قاسم عمر 22 سال سکنہ بھکر، مسماۃ “ع” زوجہ صابر خان سکنہ پشاور، شہزاد ولد اشفاق احمد عمر 50 سکنہ راولپنڈی، محمد عرفان ولد غلام فرید عمر 35 سال سکنہ بھکر شامل ہیں۔

احسان ولد اسلم گل عمر 30 سال سکنہ کوہاٹ، شعیب ولد شاہد عمر 27 سال سکنہ بھکر، تنویر ولد محمد اشرف عمر 34 سال سکنہ ضلع بھکر، عامر ولد صبر خان عمر 20 سال سکنہ پشاور بھی زخمی ہونے والوں میں شامل ہیں۔

زخمیوں میں غلا م اکبر ولد حو نواز عمر 40 سال سکنہ بھکر، ملازم حسین ولد محمد رمضان عمر 20 سال سکنہ کوٹ آدو سندھ، محمد فیاض ولد محمد اشرف عمر 30 سال سکنہ بھکر، انعام آیاز ولد ظفراللہ عمر 40 سکنہ ضلع نوشہرہ جبکہ ایک نامعلوم ہے۔