اسلام آباد ٹریفک پولیس کے زیرِ اہتمام “فرینڈز آف پولیس” پروگرام کے 11ویں بیچ کا آغاز ۔اقراءیونیورسٹی کے طلباء کی شرکت
اسلام آباد ٹریفک پولیس کے زیرِ اہتمام “فرینڈز آف پولیس” پروگرام کے 11ویں بیچ کا باضابطہ آغاز ہو گیا ہے۔ اس بیچ میں اقراءیونیورسٹی کے 30 طلباء نے شرکت کر رہے ہیں، جو ٹریفک قوانین، روڈ سیفٹی اور پولیسنگ کے مختلف پہلوو¿ں کے حوالے سے تربیت حاصل کریں گے۔
چیف ٹریفک آفیسر کیپٹن (ر) سید ذیشان حیدر کی خصوصی ہدایت پر طلباء نے پہلے دن ٹریفک ہیڈکوارٹرز اسلام آباد کا دورہ کیا جہاں انہیں ٹریفک ہیڈکوارٹرز کے کام کے طریقہ کار اور اسٹینڈرڈ آپریٹنگ پروسیجرز (SOPs) سے آگاہ کیا گیا۔
آئی ٹی پی ایجوکیشن ونگ نے شرکاءکو ٹریفک پولیس کے مختلف شعبہ جات کا دورہ کروایا، جن میں لائسنسنگ برانچ، مرکزی کنٹرول روم، ایجوکیشن یونٹ اور دیگر کلیدی شعبہ جات شامل تھے۔ شرکاءکو جدید ٹیکنالوجی سے لیس ٹریفک مینجمنٹ سسٹمز، ڈیجیٹل لائسنسنگ، اور جرمانوں کے خودکار نظام کے حوالے سے بھی بریفنگ دی گئی۔
فرینڈز آف پولیس نے اسلام آباد ٹریفک پولیس کی تکنیکی پیش رفت، شفافیت اور شہری سہولیات کو سراہتے ہوئے ادارے کے ساتھ مل کر ٹریفک قوانین کے نفاذ، آگاہی مہم اور روڈ سیفٹی کے فروغ کے لیے کام کرنے کے عزم کا اظہار کیا۔
یہ پروگرام مرحلہ وار آگے بڑھے گا، جس کے دوران طلباءکو اسلام آباد پولیس کے دیگر ڈویڑنز، جن میں سیکیورٹی، کرائم انویسٹیگیشن، اور کمیونٹی پولیسنگ شامل ہیں، کا بھی دورہ کروایا جائے گا تاکہ وہ پولیسنگ کے وسیع تر دائرہ کار کو بہتر انداز میں سمجھ سکیں۔
اسلام آباد ٹریفک پولیس کا یہ اقدام نوجوان نسل کو قانون نافذ کرنے والے اداروں کے ساتھ جوڑنے اور شہری شعور اجاگر کرنے کی ایک اہم کاوش ہے۔
Comments are closed.