آئی ایم ایف نے اپنے پنجے پی ڈی ایم حکومت کے گرد گاڑھ دیئے ،معائدہ نے پسینے نکال دیئے

اسلام آباد(ظفر ملک)آئی ایم ایف نے حکومت کو 3ارب ڈالرزقرضہ دینے کا معائدہ کر کے شہباز ،نواز اوردیگر حکومتی شراکت داروں کے پسینے نکلوا دئیے ہیں،عمران خان کی ایم ڈی آئی ایم ایف سے بات چیت پر عمل درآمد شروع کر دیاگیا،اگست کے پہلے ہفتہ میں حکومت خاتمہ پر اتفاق رائے بھی کر لیا گیا،معلومات کے مطابق آئی ایم ایف کے سٹاف آفسر کی پاکستان تحریک انصاف کے چیئرمین عمران خان سے ملاقات کے بعد اب آفٹر شاکس آنا شروع ہو گئے ہیں،معلوم ہوا ہے کہ تین ارب ڈالرز میں سے موجودہ حکومت کو صرف ایک ارب ڈالرہی ملے گا،جبکہ دیگر دو ارب ڈالرز میں سے ایک ارب ڈالر نگران سیٹ اپ اور ایک ارب ڈالر نئی بننے والی حکومت کو دیا جائے گا،آئی ایم ایف کی پالیسی پر حکومت شدید پریشانی میں مبتلا ہے اور اگر اس پر حکومت کو طول دینے کی سوچ کہیں پنپ رہی تھی تو وہ دم توڑ گئی اور نگران سیٹ اپ کو طول دینے کی خواہش بھی جنم لینے سے قبل ہی دفنا دی گئی ،ذرائع کا کہنا ہے کہ آئی ایم ایف نے مدت پر انتخابات پر بھی زور دیا ہے اورکہا ہے کہ جب تک سیاسی استحکام میں نہیں آئے گا اس وقت تک کوئی پروگرام کامیاب نہ ہو سکے گا،مسلم لیگ ن کے ذرائع کاکہنا ہے کہ یہ سب عمران خان کی ملاقات کے بعد عمل میں لایا گیا ہے اور اس میں شائد حکومت کی بھی کوئی جماعت شامل ہو،دوسری جانب سابق اپوزیشن لیڈر سید خورشید شاہ نے کہا کہ عام انتخابات وقت پر ہی ہونگے اور اس سلسلہ میں نگران سیٹ اپ پر میاںنواز شریف او ر آصف علی زرداری کی مشاورت ہو چکی ہے اورموجودہ حکومت اگست کے پہلے ہی ہفتہ میں توڑ دی جائے گی۔۔۔۔۔۔۔۔۔۔۔