مہنگائی ،بجلی بل،حکومت فیصلے واپس لے ورنہ ملک گیر ہڑتال کریں گے،سراج الحق

لاہور(زور آور نیوز)امیر جماعت اسلامی سراج الحق نے مہنگائی اور بجلی کے بھاری بلوں پر ردعمل دیتے ہوئے کہا کہ حکومت سخت فیصلے واپس لے ورنہ ملک گیر ہڑتال کریں گے۔
لاہور میں امیر جماعت اسلامی سراج الحق نے یوم تاسیس کی تقریب سے خطاب کرتے ہوئے کہا کہ پی ڈی ایم حکومت ختم ہوگئی ، نگران وزیراعظم نے حلف لیا اور آتے ہی فوراہی پٹرول کی قیمت 20 روپے بڑھادی گئی، جس کی25 ہزارتنخواہ ہواور بل 40ہزار آجائے وہ کیسے گزارہ کرے گا ، 16 اقسام کی ٹیکسز لگاکرکیوں عوام کا خون چوساجارہاہے۔انہوں نے کہا کہ حکومت کا بس نہیں چلتا عوام کی سانس پر بھی ٹیکس لگا دے ، ہم ملک بھرمیں ہڑتال کریں گے کہ حکومت سخت فیصلے واپس لیں، پاکستان کایہ حال ہے کبھی ہم ایک ملک سے قرض مانگتے ہیں کبھی دوسرے ملک سے قرض مانگتے ہیں۔امیر جماعت اسلامی کاکہنا تھا کہ تشدد کا شکار رضوانہ بیٹی سیملنے گیا،بچی کی والدہ نے بتایاکہ13ہزارتنخواہ پرجج کی بیوی کے حوالیکیا ، رضوانہ بچی کے بازوکودیکھا جو ٹوٹاہوا تھا، بچی کا سرپرہاتھ لگایا اس کے سرپرکیڑے پڑے ہوئے تھے۔انہوں نے کہاکہ جڑانوالہ گیا، وہاں معصوم لوگوں کے گھرجلائے گئے ، اس وقت ملک میں انصاف نہیں ، نظام درہم برہم ہے ، یہاں ایک جماعت ہیجو سب کے ساتھ کھڑی ہیوہ جماعت اسلامی ہے، یہ لاہورآپ کا ہے، اس لاہورکو وہی مقام دے دیں جوعلی ہجویری نے دیاتھا، یہ شہرچوروں اور ڈاکوں کانہیں ہے،یہ شہرلاہورآپ کاہے۔سراج الحق نے مزید کہا کہ دین کوسمجھناقرآن مجید کیبغیر ممکن نہیں ہے، جس نیمسجد بنائی، سال میں ایک بار عمرہ کرنے چلا گیا ہو وہ سمجھتاہے ہم نے بہت بڑاکام کیا۔ ان کا کہناتھا کہ کوئی قوم اس وقت تک ترقی نہیں کرسکتی جب تک عدل وانصاف نہ ہو، جماعت اسلامی جوکام کررہی وہ ہی کام تنظیم اسلامی کاکام ہے، جماعت اسلامی اور تنظیم اسلامی کو مل کرکام کرنا ہے ، جہاں ہماری ضرورت ہوگی ہم تنظیم اسلامی کاساتھ دیں گے۔