نواز شریف کا طیارہ ہائی جیک معاف ہو سکتا ہے تو نومئی کیوں نہیں ،فیصل واوڈا

اسلام آباد(زورآور نیوز) پاکستان تحریک انصاف کے سابق رہنما اور سابق وفاقی وزیر فیصل واوڈا کا کہنا ہے کہ نو مئی کے واقعات کی معافی نہیں ہے تو نوازشریف کا طیارہ ہائی جیک کیسے معاف ہو گیا۔انہوں نے نجی ٹی وی کے پروگرام میں گفتگو کرتے ہوئے مزید کہا کہ جو باتیں 14 ماہ پہلے کی تھیں وہ ساری درست ثابت ہو رہی ہیں۔
لوگوں کو اب احساس ہو رہا ہے ، اس لیے سامنے آ رہے ہیں۔عمران خان کو کہا تھا کہ آپ غلط کرنے جا رہے ہیں لیکن وہ نہیں مانے۔میرا اور عمران خان کا اختلاف اسی بات پر ہوا تھا کہ آپ غلط کر رہے ہیں۔فیصل واوڈا نے مزید کہا کہ اسحاق ڈار بھی 164 کا بیان ریکارڈ کرا کر گئے،پھر واپس آکر تمام کیسز معاف کروائے۔کسی پر دباؤ ہے تو ٹی وی پر بولے یا ٹویٹ کریں کیوں نہیں کر رہے۔فیصل واوڈا نے دعوی کیا ہے کہ عثمان ڈار سامنے آگئے ہیں ، فرخ حبیب اور صداقت عباسی بھی جلد سامنے آئیں گے۔خصوصٰ گفتگو میں فیصل واوڈا نے کہا کہ عثمان ڈار کو احساس تھا مگر شروع میں ہمت نہیں تھی، انھوں نے جو نام لئے سو فیصد درست ہیں۔ فیصل واوڈا نے کہا کہ عثمان ڈار کچھ نام لینا بھول بھی گئے ہیں،چیئرمین پی ٹی آئی کے اپنے ہی ساتھی انہیں لے ڈوبے ہیں، یہ اچھا اقدام ہے کہ لوگ اپنی غلطی تسلیم کررہے ہیں۔سابق وفاقی وزیر نے دعوی کیا کہ آئندہ چند روز میں فرخ حبیب اور صداقت عباسی ودیگرلوگ بھی سامنے آئیں گے۔انہوںنے کہا کہ ایک سال پہلے کہا تھا سب بتادیں گے ثبوت دے دیں گے، بندوق سے گولی خان صاحب نے چلائی تھی، دھرنے کا مقصد آرمی چیف کو ہٹانے کی کوشش کی تھی اور ان کا مقصد موجودہ چیف کے بجائے اپنے خاص بندے کو چیف بنانا تھا۔فیصل واوڈا نے مزید کہا کہ یہی کام انھوں نے چیف جسٹس کیلئے بھی کیا، موجودہ چیف جسٹس اور سپہ سالار قوم کے ہیرو ہیں، مایوس نہیں کریں گے۔