کابل: افغانستان کرکٹ بورڈ نے ذاتی مفاد کو ترجیح دینے پر 3 کھلاڑیوں کوسینٹرل کانٹریکٹ کیلیے نااہل قرار دے دیا۔
افغان کرکٹ بورڈ کی جانب سے جاری بیان کے مطابق جن تین کھلاڑیوں کے خلاف تادیبی کارروائی کی گئی ہے ان میں مجیب الرحمان، فضل الحق فاروقی اور نوین الحق شامل ہیں۔
افغان بورڈ کے مطابق تینوں کھلاڑیوں کو 2 سال تک لیگ میچز کھیلنے کے لیے این او سیز نہیں دیے جائیں گے۔تینوں کھلاڑیوں نے بورڈ کو یکم جنوری 2024 سے شروع ہونے والے سالانہ سنٹرل کنٹریکٹس سے دستبردار ہونے اور فرنچائز ٹورنامنٹس میں کھیلنے کے لیے اجازت مانگی تھی۔
افغان بورڈ کی کمیٹی کی جانب سے کھلاڑیوں کے خلاف جو سفارشات پیش کی گئی ہیں ان کے مطابق تینوں کھلاڑی ایک سال کے لیے سینٹرل کانٹریکٹ سے محروم رہیں گے جبکہ ان کھلاڑیوں کو جاری این اوسی فوری طور پر منسوخ کردئیے گئے ہیں جبکہ یہ 2 سال کے لیے این اوسی حاصل کرنے کے لیے نا اہل رہیں گے۔
Comments are closed.