خوشاب (راجہ نورالہی عاطف سے ) وزیر اعلیٰ پنجاب مریم نواز شریف کے نگہبان رمضان پیکج کے فوڈ ہیمپرز کی تقسیم کے سلسلہ میں ڈپٹی کمشنر ذیشان شبیر رانا نے شہر کے علاقہ محلہ خضر آباد کا دورہ کیا اور نگہبان رمضان پیکج کےراشن کی تقسیم کے عمل کا جائزہ لیا۔ ڈپٹی کمشنر نے مستحق خاندانوں کی دہلیز پر جا کر اپنی نگرانی میں راشن کے تھیلے تقسیم کرایے۔اس مو قع پر اسسٹنٹ کمشنر اعجاز احمد ملک،اے ڈی سی (آر) امیر تیمور رانا اوراے ڈی سی (جی) احمد صہیب بھی مو جود تھے۔ ڈپٹی کمشنرنے کہا کہ رمضان نگہبان پیکج حکومت پنجاب کا منفرد اور تاریخی اقدام ہے۔انہوں نے کہا کہ راشن کی کوالٹی کا اعلیٰ معیار برقرار رکھا جا رہا ہے۔انہوں نے مستحقین سے گفتگو کرتے ہوئے کہا کہ رمضان نگہبان پیکج کے تحت اعلیٰ معیار کا راشن آپ کے گھر کی دہلیز پر پہنچانا ہمارا فریضہ ہے اور فرض کی تکمیل تک اپنی ذمہ داریاں احسن انداز میں ادا کرتے رہیں گے۔ڈپٹی کمشنر ذیشان شبیررانا نے ما ڈل بازار میں قائم ایگر یکلچر فیئر پرائس شاپ کا بھی وزٹ کیا۔اس موقع پر انہوں نے اشیا ء خوردو نوش کی رعا یتی قیمت پر فروخت کا جائزہ لیا۔ڈپٹی کمشنر نے متعلقہ افسران کو ہدایت کی کہ وہ اشیاء خوردونوش کی وافر مقدار میں موجودگی کو یقینی بنائیں اور اشیاء کی کوالٹی کو بہتر سے بہتر بنایا جائے۔
Comments are closed.