کمپٹیشن کمیشن کی چینی سرمایہ کاروں کے وفد کو پاکستانی مارکیٹوں کے پوٹینشل پر بریفنگ

کمپٹیشن کمیشن کی چینی سرمایہ کاروں کے وفد کو پاکستانی مارکیٹوں کے پوٹینشل پر بریفنگ

اسلام آباد

شمشاد مانگٹ

چین کی فیڈریشن آف انڈسٹری اینڈ کامرس کے اعلیٰ سطحی کاروباری وفد نے
، کمپٹیشن کمیشن آف پاکستان کا دورہ کیا۔ یہ فیڈریشن چین کے پرائیویٹ کاروباری اداروں کی نمائندہ تنظیم ہے۔

وفد کی قیادت مسٹر یی جیانگ (ڈائریکٹر) نے کی، جبکہ اس میں مسٹر فوزونگ یانگ (ڈائریکٹر برائے لاجسٹکس اینڈ ٹورازم)، مسٹر گے شو (ڈائریکٹر) اور مسٹر منگ چیان سن (منیجنگ ڈائریکٹر، لیویاتھن ہولڈنگز لمیٹڈ) شامل تھے۔

چیئرمین کمپٹیشن کمیشن ڈاکٹر کبیر احمد سدھو نے وفد کو پاکستان کی مارکیٹوں کے پوٹینشل اور صلاحیت، سرمایہ کاری کے مواقع اور ریگولیٹری فریم ورک پر بریفنگ دی ۔

انہوں نے مارکیٹ میں مقابلہ ، مسابقت اور اجارہ داری کے ناجائز استعمال کو روکنے کے لیے کمیشن کی کوششسوں سے آگاہ کیا۔ انہوں نے کہا کہ کمیشن کاروباری اداروں کے لیے برابری کی سطح پر مارکیٹ میں کاروبارکے مواقع فراہم کرنے کو یقینی بناتا ہے ، جس سے سرمایہ کاروں کا اعتماد بھی بڑھتاہے۔

چینی سرمایہ کاروں نے پاکستان میں قابلِ تجدید توانائی، صحت، اسکول ایجوکیشن اور لاجسٹکس کی مارکیٹوں میں سرمایہ کاری میں دلچسپی کا اظہار کیا۔ انہوں نے منصفانہ مسابقت اور مارکیٹ کی کارکردگی کو بہتر بنانے میں سی سی پی کے کردار کو سراہا۔

اے سی ایف آئی سی چین کے نجی شعبے کی معاونت اور کاروباری اداروں اور حکومت کے درمیان تعاون کو فروغ دینے کا ایک اہم پلیٹ فارم ہے۔

یہ 3,000 سے زائد علاقائی فیڈریشنز کے ذریعے صنعت، تجارت، ٹیکنالوجی، مینوفیکچرنگ اور تجارت کے شعبوں میں فعال کردار ادا کرتا ہے اور پالیسی اصلاحات پر اثرانداز ہو کر پائیدار اقتصادی ترقی کو فروغ دیتا ہے۔
چیئرمین کمپٹیشن کمیشن نے پاکستان میں سرمایہ کاری کے حوالے سے وفد کی دلچسپی کا خیرمقدم کیا۔