اسلام آباد کلب کے کرکٹ فیلوز کے اعزاز میں پُرتکلف ہائی ٹی کا اہتمام

اسلام آباد کلب کے کرکٹ فیلوز کے اعزاز میں پُرتکلف ہائی ٹی کا اہتمام

فوکل پرسن وزیراعظم یوتھ پروگرام سید ذیشان علی نقوی میزبانی کی اور اپنی سالگرہ کا کیک کاٹ کر تقریب کو یادگار بنا دیا

اسلام آباد

شمشاد مانگٹ

اسلام آباد کلب کے کرکٹ فیلوز کے اعزاز میں ایک شاندار اور پُرتکلف ہائی ٹی کا اہتمام سرینٹی ریزورٹ، شاہ اللہ دتہ میں کیا گیا تقریب کی میزبانی فوکل پرسن وزیراعظم یوتھ پروگرام سید ذیشان علی نقوی نے کی اس موقع پر کرکٹ فیلوز کے علاوہ اسلام آباد کلب کے اراکین، مختلف شعبۂ زندگی سے تعلق رکھنے والی ممتاز شخصیات، سماجی رہنما اور نوجوانوں کی بڑی تعداد نے شرکت کی ۔

پُرسکون اور خوبصورت فضاء میں منعقد ہونے والی اس تقریب میں مہمانوں نے باہمی ملاقاتوں، کرکٹ کے فروغ اور نوجوانوں کے لیے مثبت سرگرمیوں کے فروغ پر تبادلۂ خیال کیا۔ شرکاء نے کہا کہ اس طرح کی تقریبات نہ صرف ہم آہنگی اور دوستی کو فروغ دیتی ہیں بلکہ کھیلوں کے میدان میں نوجوانوں کی دلچسپی کو بھی تقویت پہنچاتی ہیں ۔

تقریب کے دوران ایک خوشگوار لمحہ اس وقت آیا جب میزبان سید ذیشان علی نقوی نے اپنی سالگرہ کا کیک بھی کاٹاشرکاء نے انہیں مبارک باد پیش کی اور ان کی کامیابیوں کے تسلسل کے لیے نیک تمناؤں کا اظہار کیاہائی ٹی میں روایتی اور کانٹی نینٹل ذائقوں سے بھرپور پکوان پیش کیے گئے جنہیں شرکاء نے بے حد سراہا ۔

آخر میں شرکاء نے پروگرام کے شاندار انتظامات اور ذیشان نقوی کی میزبانی کی تعریف کرتے ہوئے اس امید کا اظہار کیا کہ اس نوعیت کی تقریبات مستقبل میں بھی تسلسل کے ساتھ جاری رہیں گی۔