لاہور، 13 سالہ بچے سے گاڑی بے قابو، ایک شخص جاں بحق ، متعدد زخمی

پولیس کے مطابق مین روڈ شاہدرہ ٹاؤن نزد سنگیت سنیما کے قریب حاشر نامی 13 سے 14 سالہ بچہ کار چلا رہا تھا، اس  نے پہلے موٹر سائیکل کو ٹکر ماری جس کے بعد کار بےقابو ہو کر موٹر سائیکل کی دکان پر کھڑی موٹر سائیکلوں سے جا ٹکرائی۔

پولیس کا بتانا ہےکہ حادثے میں ایک شخص جاں بحق اور متعدد افراد زخمی ہوگئے، زخمیوں اور لاشوں کو اسپتال منتقل کردیا گیا جب کہ کار ڈرائیور حاشر کو لوگوں نے پکڑ کر پولیس کے حوالے کردیا۔