موریطانیہ میں کشتی حادثے میں مرنے والوں کی تعداد چار ہو گئی۔

موریطانیہ کشتی حادثہ میں تحصیل ملکوال کے جاں بحق اور لاپتہ ہونیوالوں کی تعداد چار ہوگئی جاں بحق ہونیوالوں میں ذیشان اور دانش جبکہ اکرم اورارسلان لاپتہ ہیں، ہمارے جاں بحق بیٹوں کی میتیں اور لاپتہ کو تلاش کرکے واپس لایا جائے، ورثاء کی حکومت سے اپیل تفصیلات کے مطابق مووریطانیہ کشتی حادثہ میں ملکوال کے علاقہ ہریا کے ذیشان اعجاز اور واسووال کے دانش رحمان کے جاں بحق ہونے کی تصدیق ہوگئی ہے دانش کے چچا ، ماموں اور دیگر رشتہ داروں نے بتایا ہے کہ دانش اب اس دنیا میں نہیں رہا دانش کو لے جانے والے ایجنٹ سے بائی ائر کی بات ہوئی تھی جس کیلیےایجنٹ نے تیس لاکھ وصول کر لئیے تھے اب مزید پچیس لاکھ کی ڈیمانڈ کر رہا دوسری طرف علاقہ ماجھی کے محمد اکرم اور محمد ارسلان تین ماہ قبل یورپ کیلئے گھر سے روانہ ہوئے تھے ارسلان کے بھائی کا کہنا ہے کہ ارسلان اور اکرم کے ایجنٹ کو بائی ائیر کے چالیس چالیس لاکھ ہم نے اپنے مال مویشی ، سونا اور جائیدادیں فروخت کرکے ادا کئے  تھے مگرایجنٹ نے ڈنکی لگوا دی ارسلان سے دو جنوری کو ہمارا آخری رابطہ ہوا تھا جس کے بعد اب تک کوئی پتہ نہیں کہ ارسلان اور اکرم زندہ ہیں یا نہیں، جاں بحق اور لاپتہ ہونیوالوں کے ورثاء نے حکومت سے اپیل کی ہے ہمارے پیاروں کی میتوں اور لاپتہ ہونیوالوں کو تلاش کرکے واپس لایا جائے  اور ایجنٹ مافیا کے خلاف سخت سے سخت کارروائی کرئے