راولپنڈی، سفاک ملزم نے 2 بہنوں اور والد کو قتل کردیا

راولپنڈی، ملزم نے 2 بہنوں اور والد کو قتل کردیا

راولپنڈی

شمشاد مانگٹ

راولپنڈی میں ایک اندوہناک واقعے میں ملزم نے اپنی 2 بہنوں اور والد کو تیز دھار آلے سے قتل کردیا ہے۔

پولیس حکام کے مطابق اڈیالہ روڈ پر اپنی بہن کو قتل کیا اور پھر اسلام آباد کے علاقے عرفان آباد میں اپنے والد اور چھوٹی بہن کو مار ڈالا۔

پولیس حکام کے مطابق ملزم نے شیر خوار بھانجے کو بھی تیز دھار آلے سے زخمی کیا، جسے اسپتال منتقل کیا گیا ہے۔

پولیس حکام کے مطابق ملزم کو گرفتار کرلیا ،3 افراد کے قتل کا واقعہ جائیداد کے تنازع پر پیش آیا ہے۔

دوسری جانب ذرائع کا کہنا ہے کہ یہ قتل غیرت کے نام پر کئے گئے  اور ملزم کو رنج تھا کہ بہن نے پسند کی شادی کیوں کی ، مقتولہ 35 سالہ انجم زاراء نے ڈیڑھ سال قبل پسند کی شادی کی تھی ، مقتولہ کا ایک 3 سال کا بیٹا ہے ۔