راولپنڈی، ایچ پی وی ویکسینیشن مہم جاری، والدین کے انکار پر 8 ہزار سے زائد بچیاں ویکسین سے محروم

راولپنڈی میں ایچ پی وی ویکسینیشن مہم جاری، والدین کے انکار پر 8 ہزار سے زائد بچیاں ویکسین سے محروم

راولپنڈی

ولی الرحمن

راولپنڈی میں سروائیکل کینسر سے بچاؤ کے لئے ایچ پی وی ویکسینیشن مہم دوسرے روز بھی جاری رہی ، 12 روزہ مہم مقررہ 65 ہزار 950 کے یومیہ ہدف کا صرف 75 فیصد ہدف حاصل کیا جا سکا ، والدین کے انکار پر 8 ہزار 402 بچیوں کو ویکسین نہ لگ سکی ، تاہم ضلع راولپنڈی میں ویکسینیشن مہم دیگر اضلاع سے بہتر ہے چیف ایگزیکٹیو افسر ڈسٹرکٹ ہیلتھ اتھارٹی کے مطابق ویکسینیشن مہم میں 9 سے 14 سالہ بچیوں کو سروائیکل کینسر سے بچاؤ کی ویکسین دی جارہی ہے ۔

مہم کا ہدف 3 لاکھ 95 ہزار 609 بچیاں مقرر دوسرے دن 49 ہزار 783 بچیوں کو ویکسین دی گئی اب تک 12 ہزار 602 بچیاں ویکسین سے محروم رہیں دیگر اضلاع سے راولپنڈی میں ویکسینیشن مہم میں تحصیل کہوٹہ اور کوٹلی ستیاں سب سے آگے، 86 فیصد ہدف حاصل کیاگیا ۔

 ،ٹیکسلا اور کلر سیداں میں کارکردگی بہتر نہ رہی ، صرف 61 اور 63 فیصد ہدف پورا ہوا محکمہ ہیلتھ نے والدین کے انکار اور غلط فہمی کو ویکسینیشن میں سب سے بڑی رکاوٹ قرار دیا ہے۔

راولپنڈی سٹی، کینٹ اور رورل میں سب سے زیادہ بچیوں کی ویکسینیشن کروائی گئی اتھارٹی حکام کے مطابق ہم نے روزانہ 33 ہزار بچیوں کو سروائیکل کینسر سے بچاؤ کی ویکسینیشن دینے کا ٹارگٹ پورا کرنا ہے ۔

ویکسینیشن مہم میں ہماری کارکردگی دیگر اضلاع سے بہتر ہے ہم نے امام مساجد سمیت عوامی حلقوں کو اس مہم میں اعتماد میں لیا ہے ، سیکریٹری ایجوکیشن نے لیٹر جاری کیا ہے کہ والدین کو اعتماد میں لے کر بچیوں کو ویکسینیشن دی جائے ، ہم ایجوکیشن ڈیپارٹمنٹ بجے ذریعے طالبات کو سروائیکل کینسر کی ویکسینیشن بارے بریفننگ دے رہے ہیں۔