لاپتہ افراد کی بازیابی پر عدالت کامیاب

کراچی ( زورآور نیوز) لاپتہ افراد کی بازیابی سے متعلق کیس میں اہم پیش رفت سامنے آئی ہے۔تین مزید لاپتہ افراد کا سراغ لگا لیا گیا، پولیس نے پیش رفت رپورٹ پیش کردی۔پولیس رپورٹ کے مطابق لاپتہ شہری صدام ،زاہد اور شاہ رخ پولیس کو مطلوب تھے، لاپتہ شہری صدام،زاہد اور شاہ رُخ فیروز آباد تھانے میں کسی مقدمے میں گرفتار ہیں۔
عدالت نے لاپتہ شہریوں کی بازیابی کا معاملہ نمٹا دیا۔گذشتہ روز سندھ ہائیکورٹ نے لاپتا افراد کی عدم بازیابی سے متعلق درخواستوں پر سربراہ صوبائی ٹاسک فورس اور جے آئی ٹی کو طلب کرلیا تھا۔جسٹس نعمت اللہ پھلپھوٹو کی سربراہی میں جسٹس امجد علی سہتو پر مشتمل بینچ کے روبرو لاپتا افراد کی بازیابی سے متعلق درخواست کی سماعت ہوئی۔بیمار ہوں 5 سال سے عدالتوں کے چکر کاٹ رہا ہوں۔لاپتا افراد کی عدم بازیابی پر عدالت پولیس اور دیگر اداروں پر برہم ہوگئی۔ عدالت نے پولیس کو تنبیہ کرتے ہوئے ریمارکس میں کہا کہ امیدیں پوری کریں یا ختم کردیں، کوئی ایک کام کریں۔جسٹس امجد علی سہتو نے ریمارکس دیتے ہوئے کہا کہ کیوں لاپتا افراد کے اہلخانہ کو بلا بلا کر تنگ کررہے ہو۔ ہم بھی صبح سے لکھ لکھ کر تھک گئے ہیں۔بتادو ان کو کون لے گیا ہے اور ہم کچھ نہیں کرسکتے، جاکر خود لے لیں۔ ان بیچاروں کو جے آئی ٹیز اور ٹاسک فورس بلا بلا کر کیوں رلا رہے ہو۔ 5 سال سے بزرگ بیٹے کے لیے چکر کاٹ رہا ہے، مر گیا تو لاش دیکھا دو۔ سب کو سچ بات کیوں نہیں بتاتے، سب کو بتادو تاکہ یہ لوگ امید ہی ختم کردیں۔عدالت نے سربراہ صوبائی ٹاسک فورس اور جے آئی ٹی کو طلب کرتے ہوئے صوبائی سیکریٹری داخلہ سے بھی رپورٹ طلب کرلی۔