قطر پر حملے کا فیصلہ نیتن یاہو کا تھا، میرا نہیں ، ٹرمپ

 قطر پر حملے کا فیصلہ نیتن یاہو کا تھا، میرا نہیں ، ٹرمپ

واشنگٹن

امریکی صدر ڈونلڈ ٹرمپ نے کہا ہے کہ قطر پر حملے کا فیصلہ اسرائیلی وزیراعظم بنیامین نیتن یاہو کا تھا، ان کا اس میں کوئی کردار نہیں۔

میڈیا سے گفتگو کرتے ہوئے ٹرمپ نے کہا کہ قطر پر یکطرفہ بمباری نہ اسرائیل اور نہ ہی امریکا کے مقاصد کو آگے بڑھاتی ہے۔

انہوں نے انکشاف کیا کہ انہوں نے سینیٹر مارکو روبیو کو ہدایت کی ہے کہ قطر کے ساتھ دفاعی تعاون کے معاہدے کو حتمی شکل دی جائے۔

امریکی صدر نے واضح کیا کہ قطر ایک خودمختار ملک اور امریکا کا قریبی اتحادی ہے، جو بہادری کے ساتھ خطے میں امن قائم کرنے کی کوشش کر رہا ہے۔

ڈونلڈ ٹرمپ نے مزید کہا کہ حماس نے غزہ کے عوام کی بدحالی سے فائدہ اٹھایا ہے، تاہم امریکا قطر کے ساتھ کھڑا ہے۔