ذوالفقارعلی بھٹو نے پہلے ترمیم کی پھر جوڈیشری کا نشانہ بنے ، فواد چودھری

ذوالفقارعلی بھٹو نے پہلے ترمیم کی پھر جوڈیشری کا نشانہ بنے ، فواد چودھری

لاہور

سینئر سیاستدان فواد چودھری نے کہا کہ ذوالفقارعلی بھٹو نے پہلے ترمیم کی پھر جوڈیشری کا نشانہ بنے۔

نجی ٹی وی سے گفتگو کرتے ہوئے فواد چودھری نے کہا کہ ایوب خان دور سے جوڈیشری میں تباہی شروع ہوئی۔

انہوں نے کہا کہ سپریم کورٹ میں اب مقدمات کی تعداد تو بڑھ جائے گی، انہوں نے تو تاریخ سے سیکھنے کے بجائے الٹا بم مار دیا۔

فواد چودھری کا کہنا تھا کہ اپوزیشن پاکستان میں صرف ایک آدمی کا نام ہے اور وہ جیل میں ہے، ایک چھوٹے مقصد کیلئے آئین کا ڈھانچہ ہی تباہ کر دیا۔

انہوں نے کہا کہ 27 ویں آئینی ترمیم سے جوڈیشل سٹرکچر کو بہت نقصان پہنچا ہے، حکومت کی توجہ ہی نہیں تنخواہ دارطبقہ اورکسان کی کمر ٹوٹ چکی ہے۔