عامر یامین اور صہیب مقصود نے سوشل میڈیا پر سندھ پولیس کی جانب سے رشوت طلب کرنے کی داستان بیان کردی

پاکستانی کرکٹرز عامر یامین اور صہیب مقصود نے سوشل میڈیا پر سندھ پولیس کی جانب سے رشوت طلب کرنے کی داستان بیان کردی۔

صہیب مقصود نے 27 نومبر کو رات گئے سابقہ ٹوئٹر ‘ایکس’ پر لکھا کہ ‘ہم بہت خوش قسمت ہیں کہ سندھ میں نہیں پنجاب میں رہتے ہیں، زندگی میں پہلی بار کراچی سے ملتان بذریعہ روڈ سفر کر رہا ہوں اور سندھ پولیس اتنی کرپٹ ہے کہ ہر 50 کلومیٹر کے بعد آپ کو روک کر پیسے مانگتی ہے’۔

کرکٹر نے لکھا ‘پیسے نہ دینے کی صورت میں آپ کو دھمکی دی جاتی ہے کہ بغیر کسی وجہ کہ پولیس اسٹیشن لے جایا جائے گا’۔

دوسری جانب عامر یامین نے بھی یہ ہی احوال ایکس پر بیان کیا کہ اور بتایا کہ کس طرح انہیں سندھ پولیس نے سفر کے دوران پریشان کیا۔

آئی جی سندھ رفعت راجہ نے کرکٹر عامر یامین اور صہیب مقصود کی ٹوئٹس پر نوٹس لے لیا۔