کراچی : گورنر اسٹیٹ بینک نے 5 سالہ اسٹریٹجک پلان ایس بی پی وژن 2028 جاری کردیا، جس کا مقصد مہنگائی اور دیگر مسائل پر قابو پانا ہے۔
گورنر اسٹیٹ بینک کے مطابق وژن2028قیمتوں، مالی استحکام کے فروغ اور معاشی ترقی کے عزم کی عکاسی کرتا ہے، پلان میں موسمیاتی تبدیلی، ڈیجیٹل جدت ،سائبر سیکورٹی خطرات کو پیش نظر رکھا گیا ہے۔
انہوں نے کہا کہ وژن کے اہداف میں مہنگائی کو وسط مدتی ہدف تک برقرار رکھنا شامل ہے، اہداف میں مالی نظام کی کارکردگی اور استحکام بڑھانا بھی شامل ہے۔
جمیل احمد کا کہنا تھا کہ مالی خدمات تک شمولیتی اور پائیدار رسائی کا فروغ اہداف میں شامل ہے،
شریعت سے ہم آہنگ بینکاری نظام میں منتقلی بھی اہداف میں شامل ہیں۔
Comments are closed.