خوشاب ( راجہ نورالہی عاطف سے )ڈپٹی کمشنر خوشاب ذیشان شبیر رانانے ماڈل بازار میں قائم ایگریکلچر فیئر پرائس شاپ کا وزٹ کیا۔انہوں نے کہا کہ ماہ رمضان میں شہریوں کو سستے داموں اشیاء خورد و نوش کی فراہمی کو یقینی بنانے کیلئے پنجاب بھر میں لگائے گئے رمضان بازاروں کا معائنہ جا ری ہے جس میں اشیاء کی وافر مقدار کو یقینی بنانے سمیت تمام سہولیات کا بھی جائزہ لیا جا رہا ہے۔اس مو قع پر ایڈ یشنل ڈپٹی کمشنر (ریونیو) امیر تیمور،اسسٹنٹ کمشنر اعجاز احمد ملک اور منیجر ماڈل بازارجوہرآباد بھی مو جود تھے۔ڈپٹی کمشنر نے رمضان بازار میں اشیاء کی کوالٹی،معیار اور پرائس کے حوالے سے دریافت کیااور ہدایات جاری کیں کہ اشیاء کی کوالٹی اور معیار پر کوئی سمجھو تا نہیں کیا جائے گا۔منیجر ماڈل بازار نے ڈپٹی کمشنر کو بر یفنگ دیتے ہوئے بتایا کہ رمضان بازار میں فیئر پرائس شاپس پر رعائیتی اشیاء کی ہمہ وقت دستیابی کو برقرار رکھا جار ہا ہے جس سے عوام الناس کوایک ہی چھت کے نیچے سستی اور معیاری اشیاء فراہم کی جا رہی ہیں۔
Comments are closed.